پاکستان په نړیوالو فورمونو د غزه مسلمانانو سره د روان ظلم په ضد غږ پورته کړې دې او د غزه مسلمانانو لپاره ی خوراکي مرستې او د ژوند نور ضروري توکي هم غزه ته استولي دي.
له حکومتي ادارې این ډي ایم اې څخه خپور یو راپور ترمخه پاکستان د ۱۰۰ سل ټنه نورې مرستې هم غزه ته لیږلي دي ، په راپور کښې وایی چې دا د پاکستان غزه لپاره د مرستو لیږلو ۱۸اتلسمه جوپه ده.
د این ډي ایم اې ویاند په وینا، د حکومت له لوري لېږل شوې مرستو کښې د وچ راشن بستې، تیار خواړه او درمل شامل دي۔ د اتلسمې جوپې له لېږد وروسته د پاکستان له لوري غزه ته ټولې مرستې ۱۸۱۵ ټنه ته رسېدلې دي۔
په اسلام آباد کښې د مرستو لیږلو په اړه تابیا شوې غونډه کښې د بهرنیو چارو وزارت،این ډي ایم اې چارواکو او د فلسطین سفیر ګډون وکړو.
د بهرنیو چارو وزارت ویاند ټینګار وکړ چې پاکستان د غزې له ولس سره د دوامدارې همدردۍ په عزم ولاړ دی او د آزاد فلسطین د جوړېدو پر دریځ ولاړ پاتې دی۔ د ملګرو ملتونو د پرېکړه لیکونو له مخې د فلسطین پلازمېنه باید بیتالمقدس وي۔
اطلاعاتو او کلتور وفاقي وزیر عطاالله تارړ د مرستې د لېږلو په مراسمو کې وویل چې ۱۰۰ ټنه مرستندویه توکي غزې ته لېږل کېږي۔ د مرستو کښتۍ به په اردن کې کښته شي او له هغه ځایه به غزه ته انتقال شي۔
وفاقي وزیر د اسراییلو د فلسطینیانو پر ضد ظلمونه په کلکه وغندل او زیاته یې کړه چې الخدمت فاونډېشن هم د غزه مسلمانانو ته مرستې لیږلي دي۔ هغه وویل: “مونږ د فلسطین له وروڼو او خوېندو سره ولاړ یو او په راتلونکي کښې به هم د فلسطینیانو لپاره د مرستو لړۍ به دوام ولري. .”