د بي جي پي د اترپردېش حکومت له لوري د مسیحي ټولنې پر ضد د ظلمونو او ناانصافیو لړۍ دوام لري او د کرسمس په موقع چې د مسیحي ټولنې مذهبي جشن دې ،له مودي حکومت لوري د کرسمس په موقع رخصتي د ختمولو اعلان کړې دې
د بي جي پي تر مشرتابه لاندې د اترپردېش ایالتي حکومت د کرسمس رخصتي لغوه کړې او ښوونځیو ته یې امر کړی چې د کرسمس پر ځای دې د پخواني صدراعظم اټل بېهاري واجپایي د زوکړې کلیزه ونمانځ.
دا پرېکړه په داسې حال کې شوې ده چې په هند کې د کرسمس پر مهال د مسیحي ټولنې پر ضد د تاوتریخوالي ګڼې پېښې او د ځورونې ویډیوګانې هم په ټولنیزو رسنیو کې خپرې شوي دي او په څو ایالتونو کې عبادتځایونه او د جشن مراسم تر د هندو سخت دریځه ډلو او ددوی غړو د هدف لاندې راغلي دي
د اترپردېش په دغه تګلاره د کانګرېس ګوند ویاندې سوپریا شرینات پرله پسې نیوکه کړې او ویلي یې دي چې نریندر مودي او بي جي پي په ټوله هند کې د نفرت فضا توده کړې او مذهبي اقلیتونه ی په نښه کړي دي چې نړېوال پام هم ورته اوښتی دی
کارپوهان او د بشري حقونو ډلې وایي چې په ښوونځیو کې د کرسمس رخصتي ختمول د مسیحي ټولنې لپاره د وېرې او اندېښنې سبب ګرځي او دا کار د اقلیتونو له حقونو سره په ټکر کې دی
دا هم باید یادونه وشی چې په هند کې د سیکانو ټولنه هم ، چې د هند په پنجاب ایالت کې په کروړونو شمیر کې دي، خپل بیل د خالصتان ریاست غوښتنه کوي چې د هند حکومت د سیکانو دا جمهوري غوښتنه نه مني