اسلام آباد: په داسې وخت کې چې پاکستان د ترهګرۍ پر ضد جګړه کې په زرګونو امنیتي سرتیري او عام ولس قرباني ورکړي او وس هم دا قرباني دوام لري ، د پاکستان او امریکایی ځواکونو ترمنځ ګډ پوځي تمرینونه ترسره شول
د امریکا د پوځ اړوند د سوشل میډیا ایکس پاڼه یو ایس سنټرل کمانډ باندې دا خبر خپور شوې دې چې دا اونۍ د پاکستان او امریکایی پوځیانو ترمنځ د ترهګرۍ ضد جګړې لپاره چمتو کیدلو او ترهګرۍ د مخنیوي لپاره ټریننګ ترسره شو
په ایکس پاڼه لیکلي چې د اوونۍ د امریکا او پاکستان پوځ سرتېرو د پاکستان د ملي انسداد ترهګرۍ پر مرکز کې د انسپایرډ ګیمبټ تمرین تر چتر لاندې ګډ روزنیز پروګرام او ټریننګ بشپړ کړ
په دې راپور کې زیاتوي چې په دې تمرین کې د ګډ پیاده ځواکونو مهارتونه، جګړهییز تاکتیکونه او د ترهګرۍ ضد عملیاتو پر لور ځانګړې پاملرنه شوې وه چې په بریالیتوب سره ترسره شول
د امریکا د پوځ مرکزي کمانډر دفتر وایی چې د پاکستان او امریکایی پوځیانو ترمنځ دغه ډول ګډ روزنیز تمرینونه د امریکا او پاکستان ترمنځ اوږدمهاله دفاعي اړیکې لا پیاوړې کوي
یاد دفتر زیاتوي چې دا تمرینونه د پاکستان او امریکا هېوادونو او پوځونو ترمنځ مسلکي همغږي او همکاري زیاتوي
دفاعي څیړنکارانو غبرګون
د امریکا او پاکستان د پوځونو دې ګډ تمرینونو په اړه د دفاعي څیړنکارانو او شنونکو په غبرګون ښودلې دې او وایی چې د پاکستان د ترهګرۍ د مخنیوي په مرکز کې د پاکستان او امریکایی پوځیانو ترمنځ دا ګډ تمرینونه به د دواړو هیوادونو د پوځیانو د ترهګرۍ پر ضد جګړه کې ډیر ګټور ثابت شي
پوهان وایی چې د پوځیانو ګډ ټریننګ یو بل هیواد سره خپلې تجربې او د جنګ په اړه پلانونه شریکوي او دغه شان دوی د یو بل سره په همکارۍ کولو ترهګرو ته ماتې ورکوي