د پاکستان د دفاعي ځواکونو مشر چیف آف ڈیفنس فورسز، فیلډ مارشل سید عاصم منیر ویلي دي چې د ملي امنیت پر وړاندې د هر ډول ګواښ په اړه د صفر زغم پالیسي لري، او د هېواد خپلواکي او ځمکنۍ بشپړتیا ساتنه د پاک پوځ اساسي مأموریت دې او په دې هیڅ کوم جوړ جاړې نه کوو
د آیاېسپيآر له مخې، فیلډ مارشل سید عاصم منیر د لاهور ګیریژن دوره وکړه، چېرې چې ورته د ټریننګ په اړه تفصیلي بریفنګ ورکړل شو
آیاېسپيآر ویلي، فیلډ مارشل د فارمېشن تر سیوري لاندې د روزنیزو مشقونو جاج واخیست، د راتلونکو جګړو لپاره پر تیاریو او نوښتونو د تمرکز ټینګار یې وکړ او سرتېرو ته برابرې شوې ورزشي او تفریحي اسانتیاوې یې وستایلې
د آیاېسپيآر له مخې، فیلډ مارشل د سياېماېچ لاهور د های کېئر سنټر دوره هم وکړه او د طبي عملې او ادارې د خدمتونو ستاینه یې وکړه.
په لاهور ګیریژن کې افسرانو ته د وینا پر مهال، د دفاعي ځواکونو مشر وویل چې د ملي امنیت پر وړاندې د ګواښونو په اړه د صفر زغم پالیسي عملي ده، پاک پوځ د هر ډول ننګونو پر وړاندې د مقابلې بشپړ عزم لري، او د هېواد خپلواکي او ځمکنۍ بشپړتیا ساتل د پوځ تر ټولو لومړنی مأموریت دی
فیلډ مارشل زیاته کړه چې د پاکستان وسلهوال ځواکونه د هېواد د خپلواکۍ، ځمکنۍ بشپړتیا او داخلي ثبات د ساتنې لپاره کلک ولاړ دي او پوځ د لوړو مسلکي معیارونو، نظم او بېغرضه ملي خدمت دود ته وده ورکوي د پاکستان دفاعي ځواکونو مشر وویل چې پاک پوځ د عصري اړتیاوو سره د سمون بشپړه وړتیا لري، او د سرتېرو فزیکي فټنس او مورال د پوځ له لومړیتوبونو څخه دي