مردان : د جمعیت علما اسلام (ف) مشر مولانا فضل الرحمان ویلي دي چې خپل موقف به نه بدلوي او که اړتیا پېدا شي نو اسلاماباد ته د تګ پرېکړه به وکړي
مولانا فضل الرحمان دغه څرګندونې د مردان په کاټلنګ بابوزئی کې د تکمیلِ حفظ القرآن کریم په یوه مذهبي غونډه کې وکړې. هغه وویل چې پاکستان باید د اسلامي هیلو او ارمانونو مطابق هېواد وي، داسې ځای چې خلک پکې په ازاده توګه خپل دینی او مذهبي اعمال ترسره کړي
هغوی زیاته کړه چې پاکستان باید د امن، ورورولۍ او ازادۍ نښه وي، او حکومتونو ته پکار دي چې ولس ته د هغوی حقونه ورکړي. د مولانا په وینا، نن سبا اساسي قانون د لوبي وسیله ګرځول شوی او د ولس پر ځای د څو سترو کسانو په خوښه پکې بدلونونه راوستل کېږي
مولانا فضل الرحمان وویل چې د عوام ارمانونو قتل کیږی او د ۲۷مې اییني ترمیم لپاره خلک رانیول شوي وو څو دوی په دریو کې د دو اکثریت برابر کړي، خو په پای کې دا ترمیم په “خالي اکثریت” سره منظور شو
د جے یو آی مشر همدارنګه ادعا وکړه چې سی پیک لا هم تړلی پروت دی او د افغانستان په اړه د حکومت پالیسي ګډوډه ده، چې له امله یې اقتصادي او سیمهییزې ګډې پروژې اغېزمنې شوې دي
ددې وړاندی مرکزی حکومت د پارلمان څخه د 27م ترمیم منظوری اخستی وه او په هغې کی مرکز ویلی وو چی په قامی اسمبلۍ او سینیټ کی اکثریتی ګوندونو پیپلز ګوند او پاکستان مسلم لیګ ن دغه ترمیم منظور کړی وو چی پکی د اختیاراتو مناسب تقسیم راوړلی شوی وو