ضلع خیبر: د خيبر ضلعې په باړه تحصیل کې د نوګزي بابا په سیمه کې د سړک په غاړه ښځ شوي بم په وسیله د فرنټيئر کور (اېفسي) پر يوې موټر بمي چاودنه شوې، چې له امله يې د اېفسي پنځه سرتېري او دوه ملکي وګړي ټپيان شوي دي.
د پوليسو په وينا، ټپيان شوي کسان سمدستي د طبي مرستې لپاره نږدې روغتون ته ورسول شول
پوليس سرچينو وويل چې چاودنه د سړک غاړې ولاړ هغه موټرسايکل له لارې شوې، چې پکې چاودېدونکي توکي ځای پر ځای شوي وو. د چاودنې له امله د اېفسي موټر ته هم زيان رسېدلی دی
د پېښې وروسته سمدستي امنيتي ځواکونه او د پیښې ځای ته ورسیدل او سيمه يې محاصره کړه، څو د نورو احتمالي برید مخه ونيسي. د پېښې د لاملونو او مسؤلينو د موندلو لپاره پلټنې پيل شوې دي
چارواکي وايي چې د امنيت ټينګښت لپاره په سيمه کې د پلټنو لړۍ پراخه شوې او د پېښې په اړه نور جزئيات به وروسته شريک شي