خارجه وزارت لخوا جاري شوي بيان ترمخه خارجه وزير او نائب وزيراعظم اسحاق ډار د امريکې په دوره نيويارک ته رسيدلې دے ۔د اسحاق ډار دا دوره په يوې هفته مشتمل ده ۔ خارجه وزير به نيويارک کښې د سلامتي کونسل د اجلاسونو صدارت کوي ۔ پاکستان د سلامتي کونسل د دستخطي تقريباتو مشري کوي چې پکښې به اسحاق ډار په خصوصي توګه شرکت کوي ۔ امريکه کښې د قيام دوران به اسحاق ډار واشنګټن کښې د امريکني هم منصب مارکو روبيو او نور حکومتي چارواکو سره ملاقاتونه هم کوي ۔ دې ملاقاتونو کښې به د پاکستان او امريکې ترمينځ تعلقاتو پراختيا، تجارتي معاهدي لپاره روان مذاکرات،د افغانستان او منطقې سيکيورټۍ په صورتحال او په نورو مهمو معاملو خبرې کوي ۔ خارجه وزير به د سعودي عرب او فرانس په کوربه توب کښې کيدونکې د دوه رياستي حل متعلق نړي وال کانفرنس کښې به د پاکستان د وفد مشري کوي ۔
پاکستان او امريکې تعلقاتو کښې پرمختګونه
سفارتي او معاشي ماهرين د پاکستان او امريکې ترمينځ اړيکو کښې تيرڅو هفتو دوران شوي پرمختګونو په تناظر کښې د خارجه وزير اسحاق ډار د امريکې دوره ګټه ور ګرځوي، امريکني صدر ډونلډ ټرمپ ،خارجه وزير روبيو او نائب امريکني صدر په خصوصي کوششونو د پاکستان او هند ترمينځ جنګ بندي شوي وه، د جنګ بندۍ نه پس صدر ټرمپ د پاکستان او هند سره د امريکې تجارت ته وده ورکولو فيصله کړيده ، اسحاق ډار په داسې مهال د امريکې په دوره دے چې څو ورځې مخکښې فيلډ مارشل عاصم منير هم د امريکې مهمه دوره کړي وه او صدر ټرمپ د هغه په درناوے کښې د روټۍ د دعوت خصوصي اهتمام کړي وو ۔ سفارتي ماهرينو ترمخه هند واکمنو د پاکستان او امريکې ترمينځ اړيکې د خرابولو او په نړي وال فورمز پاکستان يواځې کولو هر ممکن کوشش کړې وو ولې د ناکامۍ سره مخ شوي وو، امريکې سره تجارتي معاهدې لپاره هم د دواړو ملکونو ترمينځ مذاکرات واشنګټن کښې جاري دي، وزير خزانه محمد اورنګزيب هم درې ورځې وړاندې امريکني چارواکو سره ملاقاتونه کړي وو او وئيلي ئي دي چې د هغه د امريکې دوره ګټه ور ثابت شويده ډير زر به د پاکستان او امريکې ترمينځ تجارتي معاهده باندې لاس ليک اوشي