نصیب شاه شینواري
د ضلع خیبر په تحصیل لنډي کوتل کښې د شینوارو په قبیله کې د پښتنو یو سلګونو کلونو زوړ رواج وس هم لا ژوندې دې.
د پښتنو دې رواج ته دلته د شینوارو په ځایی لهجه کښې خونې،برخه وایی، خونې یا برخه پښتنې کورنې هر اختر کې خپلو هغه خویندو او د کور نه واده شوو جونو له ورکوي چې نورو کورنیو یا کلیو ته واده شوي وي.
په دې خوني(خوني نه مقصد دلته خواږه دي) یا برخه(برخه نه مقصد دلته حصه ده) کې په خواږو شیانو کې پتاسې ،وچه میوه اوزغان، مونګ پلي شامل وي، دلته د لنډي کوتل په شینوارو کې د اختر په موقع ځایی خلق خپلو خویندو ته د ګډ اړخ(غوښه ) هم د خوني په توګه لیږي او دغه رنګ د پښتنو دغه یو زوړ رواج ی ژوندې ساتلې دې.
د انګریزې ژبې پروفیسر او لیکوال شیرعالم شینواري وایی چې خونې (خواږه) یا برخه د پښتنو یو ډیر زوړ رواج دې چې وس هم په پښتنو سیمو کې شته او خلق د اختر په موقع خپلو خویندو ته برخه یا خونې ورلیږي. نوموړي وایی چې د پښتنو دا رواج د ښځو په اړه ددوی حق ورکولو او دوی سره رشته ټینګا ساتلو په اړه یو عمل دې چې د پښتنو په سیمه کې دې ته په ډیر دروند نظر کتلې شي