د بلوچستان په نصیرآباد د مراد جمالي سیمه کې چې د نوتال تاڼې حدود کې ده د یک شنبې په ورځ د بلوڅ بیلتون خوښې ډلې ترهګرو یو ځل بیا هڅه وکړه چې مسافر وړونکې اورګاړي ته زیان ورسوي
سرچینو ترمخه جعفر ایکسپریس چې څو دقیقې مخکې تېر شوی و، د هغې له تېرېدو وروسته د رېلوې پټلۍ لاندې ایښودل شوی بم وچاودېد خو په نېکمرغه توګه چا ته مرګژوبله نه ده اوښتې. ځکه اورګاړې له دې وړاندې تیر شوې وو
لومړنۍ معلومات ښيي چې وسلهوالو غوښتل پټلۍ د بارودو په وسیله والوځوي، څو ټرېن ته مستقیم زیان ورسوي، خو ټرېن له چاودنې مخکې تېر شوی وو
په جعفر ایکسپریس له دې وړاندې برید
مهمه ده چې یادونه وشی چې د روان کال د مارچ په ۱۱مه، د ناقانونه وسلهوالې ډلې بلوچ لېبرېشن آرمي غړو هم دې جعفر ایکسپریس اورګاړي پټلۍ ته چاودنه ورکړه او د بولان ولسوالۍ د لیرې پراته غرني درې په سیمه کې يې د مسافرو اورګاډی ودرول، چې له امله یې له ۴۴۰ څخه ډېر مسافر یرغمال کړل
د امنیتي سرچینو له مخې، د امنیتي ځواکونو لوري عمليات پيل کړل چې مسافر د ترهګرو له منګولو خلاص کړي.
مهمه ده چې یادونه وشی چې له اپریشن پیل کیدلو وړاندې ترهګرو ۲۶ مسافر شهیدان کړل ، په دې اپریشن کې ۴ امنیتي ځواک اهلکار هم شهیدان شول، د اپریشن په ترڅ کې يې ۳۳ ترهګر له منځه یوړل او پاتې ټول مسافر له امنیتي ځواکونو له لوري وژغورل شو
نورخبرونه: بلوچستان کې ترهګریز برید: د پاکستان پوځ پینځه ځوانان شهیدان شوي