د سرکاري شمیرو ترمخه د کال ۲۰۲۳ د ستمبر ۱۷مې نیټې راهیسي په تورخم پوله افغانستان ته د واپس تلونکو افغان کورنیو شمیره ۶لکه څخه زیاته شوې ده.
د شمیرو ترمخه په تورخم پوله ۶ لکه ۸۷ اووه اتیا زره او ۲۸۳ افغان وګړي د پاکستان بیله بیلو سیمو څخه افغانستان ته واپس تللي دي
د خیبر پښتونخوا د صحت مشیر احتشام رسنیو ته ویلي دي چې په لنډي کوتل کې افغان مهاجرنیو لپاره میډیکل کیمپ جوړ کړې دې. هغه وایی چې په دې کیمپ کې افغان کورنیو ته د علاج اسانتیاوې ورکولې شي
نوموړي وایی چې د افغان کورنیو د صحت خیال ساتل هم د حکومت ذمه واری ده او هم دې لپاره ی په لنډي کوتل کې افغان کورنیو لپاره دا میډیکل کیمپ قایم کړې دې
دلته دا هم باید یادونه وشی چې د پیښور او تورخم په لویه لار صوبایی ادارې ،پي ډي ایم اې له لوري افغان کورنیو لپاره د خوراک او اوسیدلو اسانتیاوې هم برابرې شوې وې
د جمرود تحصیل اسسټنټ کمشیر نسیم الله شاه تر مشرۍ لاندې د پی ډي ایم اې اهلکار پرون هم افغان کورنیو ته خوراک ورکړو
ضلعي انتظامیه افسرانو په یو بیان کې ویلي دي چې دوی هڅې دوام لري ترڅو د ګاونډي هیواد ته واپس تلونکو افغان کورنیو ته اسانتیاوې برابرې شي او دوی په عزت سره خپل هیواد افغانستان ته واپس لاړ شي