د خیبر پښتونخو صوبایی حکومت په کوهستان سیمه کې په سرکاري فنډونو کې د ۳۰ څخه تر ۴۰ اربو روپو پورې د کرپشن په کیس کې یو بل مهم تن هم نیول شوې دې
د سرچینوترمخه ایبټ آباد کې نیب د کوهستان د کرپشن سکینڈل په قضیه کې ښکېل امیر زیب نیولی دی
سرچینې وایي، نیول شوی ملزم د جمعیت علمائے اسلام سره تړاو لري او احتساب محکمې امیر زیب د لسو ورځو فزیکي ریمانډ لپاره د نیب واک ته سپارلی دې
د نیب په وینا، د امیر زیب په بانکي حسابونو کې له ۳۵ کروړه او ۷۲ لکه روپیو څخه زیاته اندازه پیسې ترانسفر شوې وې
سرچینې وایی چې ملزم به د ۲۰۲۶ کال د جنورۍ په ۲۷مه بیا د احتساب محکمې ته وړاندې کړل شي۔
دا سکینڈل د اپر کوهستان په سیمه کې د سرکاري فنډونو د شاوخوا ۳۰ څخه تر ۴۰ اربه روپیو د مبینه غبن ستره قضیه بلل کېږي، چې پکې سرکاري ادارې، بانکي افسران او قراردادیان په مبینه توګه په کرپشن کې ککړ دې
تر دې وړاندې د کوهستان د ډسټرکټ اکاؤنټس افسر او آډیټر په ګډون یو شمېر نور افسران هم نیول شوي دي۔
دا هم مهمه ده چې له دې وړاندې مرکزي ملزم قیصر اقبال او د هغه مېرمن هم د قانون منګولو ته سپارل شوي دي