د کال ۲۰۲۵ په وروستیو کې پاک افغان بارډر سره نزدې د ضلع خیبر په وادي تیراه کې یو شمیر د ناامنۍ پیښې رامنځته شوې
په دې ترهګریزو پیښو کې ځایی اولس او د پاکستان پوځ سرتیري له ترهګرو له لوري په نښه شول او شهیدان کړې شول
د ضلع خیبر په شمول د خیبر پښتونخوا په یو شمیر سیمو کې په پولیسو او امنیتي ځواکونو د بریدونو ذمه واري ناقانونه ګرځول شوې ډلې تحریک طالبان پاکستان ، حافظ ګل بهادر او جماعت الاحرار ډلې په خپله غاړه اخلي
هم دا ی لامل وو چې د صوبایی حکومت سره په سلامشوره د پاکستان امنیتي ځواکونو پریکړه کړې ده چې په تیراه کې په راتلونکې دو میاشتو کې د ترهګرو پر ضد عملیات ترسره کړي ترڅو دا سیمه له ترهګرو پاکه کړي او د ځایی اولس ژوند او مال خوندي کړي
له وادي تیراه څخه د ځایی خلکو نقل مکاني دوام لري، که یو اړخ ته دا بې کوره شوي خلک له ستونزو سره مخ دي نو بل اړخ ته ددې خلکو مرستو لپاره د پی ډي ایم ایې ،ضلعي انتظامیه او د پاکستان امنیتي ځواکونه هم دې بې کوره شوو خلکو سره هره ممکنه مرسته کوي
د ضلع خیبر له انتظامیه لوري خپره خبرپاڼه کې ویل شوي دي چې له تیراه څخه یو شمیر کورنۍ چې په عارضي توګه کډه کوي،د سختو واورو او باران څخه وژغورل شول او دوی په پاینده چینه سیمه کې په عارضي ډول جوړ شوي کیمپ ته ورسول شول
انتظامي چارواکي وایی په یاد ځای کې دې کورنیو لپاره د خوراک او او استوګني بندوبست هم شوې دې ترڅو په عارضي توګه دې بې کوره شوې کورنیو ژوند خوندي شي
که څه هم د وادي تیراه د اپریشن او په عارضي توګه د نقل مکانۍ په اړه یوه منفي پروپیګڼده دوام لري خو بل اړخ ته ټول اولس ته معلوم ده چې د صوبایی حکومت سره د مشرانو جرګو، سلا مشورې وروسته په وادي تیراه کې د اپریشن پریکړه شوې ده ترڅو دا سیمې له ترهګرو پاکې کړې شي