د پاکستان فیلډ مارشل سيد عاصم منیر په خپل یو تازه بیان کې ویلي دي چې د دوه اړخیزه پوځي شخړې په منځ کې د نورو هېوادونو شاملول د هند ناکامه سياسي هڅ ده ده .
له آیی ایس پي آر څخه خپور شوي یو بیان ترمخه د پاکستان فوځ سرلښکر او فیلډ مارشل جنرال عاصم منیر د نیشنل ډیفنس پوهنتون دوره وکړه او هلته ی د فوځ هغه افسرانو غونډې ته وینا وکړه چې د نیشنل سیکوریټي اینډ وار کورس ی بشپړ کړې وو
په خپله وینا کې فیلډ مارشل د جګړې په بدلیدونکي بڼه خبرې وکړې او ټینګار یې وکړ چې د چلینجونو سره د مقابلې لپاره ذهني چمتووالی، عملي پوهه، مسلکي وړتیا او د ملکي او پوځي ادارو تر منځ همغږي ډېره زیاته مهمه ده
هغه زیاته کړه چې هند د اپریشن سندور په وخت کې خپل ټاکل شوي فوځي اهداف ترلاسه کولو کې پاتې راغی، او اوس بې اساسه پلمې او نیوکې کوي چې دا د هند په ستراتیژیک سوچ کې کمزوري ښایی
فیلډ مارشل وویل چې پاکستان د اوږدې مودې ستراتیژۍ، خپلواکو وړتیاوو او قوي ادارو په مرسته بریالیتوب موندلی، خو هند دا بریالیتوب نه مني. ټینګار ی وکړو او زیاته ی کړه چې د هند دا هڅه چې په خالصه دوه اړخیزه شخړه کې نور هېوادونه شامل کړي، یوه ناکامه سياسي هڅه ده
ده وویل چې د هند بې اساسه خبرې او تورونه د دې لپاره دي چې په سیمه کې د خپل ځان لپاره یو خیالي رول جوړ کړي، په داسې حال کې چې د سیمې هېوادونه د هند په جارحانه تګلاره او هندوتوا نظریه څخه ستړي شوي دي
فیلډ مارشل عاصم منیر په ټينګه وویل چې که زمونږ پر وګړو، پوځي اډو، اقتصادي مرکزونو یا بندرګاه باندې د هر ډول برید هڅه وشي، نو پاکستان به ورته سخت، ژور، دردوونکی او د هند د سوچ څخه هم زیات قوي ځواب ورکړ
نوموړي زیاته کړه چې د شخړې اصلي ذمه واري د هند پر غاړه ده چې د بصیرت نه لري او مغرور دی ، زیاته ی کړه چې جنګونه د میډیا په بیانونو، بهرنیو وسلو يا سیاسی شعارونو نه، بلکې په قوي باور، مسلکي وړتیا او ملي عزم سره ګټل کیږي
د پاکستان فیلډ مارشل په پای کې د فوځي ځواک په مسلکي وړتیا، جذبې او جګړې ته په چمتووالي د بشپړ باور څرګندونه وکړ