په کنړ کې د ملکي وګړو او ماشومانو د مبینه مرګژوبلې په اړه د افغان طالبانو له اړوندو حلقو د ادعاوو وروسته پوښتنې راپورته شوې دي، په داسې حال کې چې د پاکستان د ترهګرۍ ضد عملیات د “بې توپیره بریدونو” په توګه وړاندې کېږي
د پاکستان د امنیتي سرچینو دریځ
د امنیتي سرچینو په وینا، افغان لوري دا ادعا کړې چې په پاکستاني عملیاتو کې ملکي وګړي او ماشومان هدف ګرځول شوي، خو په ځمکنیو واقعیتونو کې دا روایت تایید نه لري. سرچینې وایي چې د پاکستان پوځ یوازې د ترهګرو پټنځایونه او نظامي اهداف د استخباراتي معلوماتو پر بنسټ په نښه کوي
د دفاعي چارو شنونکو نظر
د دفاعي چارو شنونکي وایي چې دا یو دوامداره طرز دی، چې هر د ترهګرۍ ضد عملیات د خپلواکو شواهدو له وړاندې کولو پرته د “ملکي مرګژوبلې” په روایت بدلېږي.
د کنړ د ترهګریزو شبکو مرکزیت
د دفاعي تحلیلګرو په وینا، کنړ له اوږدې مودې راهیسې د ناقانونه ټيټيپي او نورو ترهګرو ډلو مرکز پاتې شوی، چې له همدې سیمې د پاکستان پر ضد بریدونه ترسره کېږي. راپورونه ښيي چې په ۲۰۲۵ کال کې له ۶۰۰ څخه زیات د ټيټيپي بریدونه د افغان خاورې، په ځانګړي ډول کنړ سره تړاو لري
د عملیاتو هدفمند ماهیت
سرچینې وایي چې د پاکستان عملیات د ځانګړو استخباراتي معلوماتو پر بنسټ د ترهګرو خوځښت، پټنځایونه او د برید موقعیتونه په نښه کوي، نه عام ملکي وګړي
د ترهګرو د پناه ځایونو کارونه او تبلیغات
ماهرین زیاتوي چې ترهګر عناصر ډېر وخت د ملکي سیمو تر څنګ پناه اخلي او له همدې حالت څخه وروسته احتمالي ځوابي عملیات د تبلیغاتو لپاره کارو نړیوالو راپورونو هم په افغانستان کې د ۲۰ څخه زیاتو ترهګرو ډلو شتون ته اشاره کړې، خو افغان چارواکي دا حقیقت نه مني
د ادعاوو د شواهدو نشتوالی
د شنونکو په باور، د مبینه مرګژوبلې په اړه تر اوسه کوم قوي او باوري شواهد نه دي وړاندې شوي، چې له امله یې د دغو ادعاوو اعتبار تر پوښتنې لاندې راځي
ډیپلوماتیک تماسونه او د تاوتریخوالي دوام
ډیپلوماتیکې سرچینې وایي چې پاکستان څو ځله له افغان چارواکو غوښتي چې د خپلې خاورې دننه د ترهګرو شبکو پر ضد جدي اقدام وکړي، خو د پام وړ پرمختګ نه کېدو له امله تاوتریخوالی دوام لري