د پاکستان دفاعي ځواکونو مشر فیلډ مارشل سید عاصم منیر نن د ګل په ورځ د پاکستان پوځ جنرل هیډکوارټر راولپنډۍ کې یوې ځانګړې غونډې ګډون والو ته وینا وکړه
په وینا کې جنرال عاصم منیر اوویل چې پاکستان د افغانستان طالبانو رژیم ته یو ښکاره او روښانه دریځ وړاندې کړې دې
د پاکستان پوځ مشر جنرال عاصم منیر وویل چې افغان طالبان د دوو لارو ترمنځ یوازې یو انتخاب لري یا خو به له خوارجو سره وي او یا له پاکستان سره
فیلډ مارشل عاصم منیر ته په راولپنډۍ کې د جنرل هیډکوارټر په میدان کې د درې واړو وسلهوالو ځواکونو د چمتو دستو له لوري سلامي وړاندې شوه
وروسته، د درې واړو ځواکونو افسرانو ته په وینا کې فیلډ مارشل عاصم منیر وویل چې د نوي جوړ شوی دفاعي ځواکونو مرکزي هیډکوارټر یو تاریخي او بنسټیزه بدلون دی، او دا د دفاعي جوړښت د عصري کولو پر لور یو مهم ګام دی
فیلډ مارشل وویل چې اړینه ده موږ د درې واړو ځواکونو د متحد سیستم له لارې ملټي ډومېن عملیات نور هم پیاوړي کړو، ځکه د خطرونو د زیاتېدو او بدلېدونکي وضعیت له امله دا یو ضروري اقدام دی
هغه زیاته کړه چې هر یو ځواک به د خپل آپرېشنل چمتووالي لپاره خپله ځانګړتیا ساتي، خو دفاعي ځواکونو مرکزي هیډکوارټر به د ټولو سروسونو عملیات همغږي او یو ځای کړي
فیلډ مارشل په څرګندو ټکو وویل چې هند دې د ځان غولونې یا غلط اټکل ښکار نه شي، ځکه راتلونکې نوبت به د پاکستان غبرګون تر دې هم چټک او شدید وي
هغه وویل چې طالبانو رژیم ته دا روښانه شوې ده چې هغوی د خوارجو یا پاکستان تر منځ د یو انتخاب نه پرته بله هیڅ کومه لار نه لري
هیچاته اجازه نه ورکوو چې زموږ خپلواکۍ ته ګواښ شي:جنرال عاصم
دفاعي ځواکونو مشر وویل چې پاکستان یو سولېغوښتونکی هېواد دی، خو هېچا ته به اجازه ور نه کړو چې د پاکستان خپلواکي، سرحدي بشپړتیا ته ګواښ جوړ کړي
ټینګار ی وکړه چې هرڅوک باید پوه شي چې د پاکستان تصور ماتېدونکی نه دی؛ د دې ساتنه د ایمان له جذبې ډک ،له سرونو تیر یو زړه ور ملت کوي
دلته مهمه ده او باید چې یادونه وشی چې د پاکستان د فاعي ځوکونو مشر او فیلډ مارشل عاصم منیر په مشرۍ کې د روان کال په میی میاشت کې معرکهٔ حق پر مهال پاکستان هند ته غاښ ماتیدونکې شکست ورکړوو
په دې جنګ کې نړۍ ولیدل چې پاکستان د هند جنګي الوتکې هم رانسکورې کړې او د هند د دښمن هوايي دفاعي سیستم ی هم بشپړه توګه ناکام کړ
دا هم باید یادونه وشی چې د امریکا ولسمشر ډونلډ ټرمپ هم د پاکستان بریا بیا بیا ستایلې او یاده کړې ده او ویلي دي چې د پاکستان چمتو هوایی ځواکونو د هند الوتکې رانسکورې کړي دي
