امریکایي ولسمشر ډونلډ ټرمپ د امریکا د پرمختګ او ثبات لپاره وټاکل شو، خو د ایپسټین فایلونو د افشا کېدو وروسته د هغه منفي مخ نړۍ ته ښکاره شو. ځینې تحلیلګر باور لري چې ایران سره د احتمالي جګړې هڅه د ټرمپ د سیاسي ستونزو څخه د پام اړولو هڅه هم وه
ایران: تاریخ، مقاومت او سیمهییز نفوذ
ایران له زرګونو کلونو راهیسې د غلامۍ ضد تاریخ لري. کله چې بهرني ځواکونه ایران د فشار لاندې راوست، نو نه یوازې یو فرد بلکې ټول نظام او ملت یې د مقاومت لپاره راولاړ شو.\
د سید علي خامنایي په مشرۍ ایران داخلي سیاسي او مذهبي نظام پیاوړی ساتلی او په سیمه کې یې خپل نفوذ زیات کړی، لکه:
- لبنان کې حزبالله ملاتړ
- سوریه کې د بشار الاسد حکومت ملاتړ
- یمن کې د حوثي تحریک سره اړیکې
رجیم چینج نه دی امکانپذیر
ایران کې واک یوازې د یوه فرد په لاس کې نه دی. سیاسي او مذهبي ادارې مهمې پریکړې کوي او نوی رهبر هم دوی ټاکي. له همدې امله، د ایران د شخصیاتو بدلون د پالیسۍ په فوري بدلون کې لږ تاثیر لري
جګړې اقتصادي او نړیوال اغېزونه
د ایران سره جګړې اغېز یوازې په میدان کې محدود نه دی، بلکې د اسرائیل اقتصاد هم اغېزمن شوی دی. د ابناي هرمز د بندیدو له امله نړیوال اقتصاد نور هم پیچلی شوی، او امریکا هڅه کوي نور هیوادونه د جګړې په ډګر کې شامل کړي
- سعودي عرب د محتاط پالیسي له مخې د ایران په ضد خپل سرزمین نه کاروي
- پاکستان او سعودي عرب دفاعي همکارۍ پیاوړې کړې
- روسیې خبرداری ورکړی چې امریکا او اسرائیل هڅه کوي خلیجي هیوادونه جګړې ته شامل کړي
په سیمه کې دوامداره کشمکش د نړیوالو وسلو جوړونکو لپاره ګټه لري. د ایران ممکنه حملې عرب هیوادونو کې بېباوري رامنځته کړې چې امریکا د وسلو په ګران قیمت پلورلو فرصت ترلاسه کوي
راتلونکې: استحکام او نوې نړیوال بلاکونه
که هیوادونه هوښیارانه ګامونه پورته کړي، ایران یوازې د خطر په توګه نه بلکې د مسوول ګاونډي په توګه هم لیدل کېدی شي. ټرمپ پالیسۍ نه یوازې منځني ختیځ بېثباته کړی، بلکې په نړیوال سیاست کې د نوو بلاکونو جوړېدو امکانات هم رامنځته شوي دي. چین او روس له مخکې څخه د سیمې په وضعیت څارنه کوي، او نوي نړیوال اتحادونه د ځواک توازن بدلولی شي
پایله: مذاکرات او سفارتکاري د حل لار ده
تاریخ ښيي چې جګړې د اوږدمهاله حل لار نه ده، بلکې نوي بحرانونه رامنځته کوي. نړیوال ځواکونه باید د تصادم پر ځای مذاکرات او سفارتکاري ته لومړیتوب ورکړي، ځکه جګړه یوازې لنډ مهاله ګټه ورکوي او راتلونکو نسلونو ته زیان رسولی شي
نور ولولئ