اسلام آباد: په داسې وخت کې چې په افغانستان کې د یو شمیر ترهګرو ډلو شتون د سیمې د امن او ثبات لپاره یو جدي ګواښ ګرځول شوې دې، په دوشنبې کې د پاکستان افغانستان لپاره ځانګړې استازې محمد صادق خان مهمو سیمه ایزو استازو سره لیدنه کړې ده.
د بشپړ راپور ترمخه د شانګهایی همکاریو سازمان غونډې په ترڅ کې د افغانستان لپاره د ځانګړو استازو د څلور اړخیزې غونډې (پاکستان، چین، روسیه او ایران) یوه مهمه غونډه په دوشنبه کې ترسره شوه.
دپاکستان حکومت لوري د افغانستان لپاره ځانګړې استازې محمد صادق په خپل ټولنېزو رسنېو لېکلي چې مونږ د افغانستان په اړه یو بل سره ګډې اندېښنې او هیلې شریکې کړې.
نوموړي وایی چې په دې مهمه غونډه کې و پرېکړه وشوه چې د افغانستان اسلامی امارم له چارواکو سره د پایلو لرونکي تعامل پر لور ګامونه واخلو، هغه زیاتوي چې دا ژمنه او یو بل له باور هم ورکړل شو چې باید یو بل سره د بشري مرستو ملاتړ وکړو، او د هغو ګڼو ترهګریزو ډلو جدي ګواښ ته متوجه شو چې په افغانستان کې مېشتې دي.
دلته مهمه ده او باید چې یادونه وشي چې په دې لنډې تیرو ورځو کې ، د پاکستان امنیتي او دولتي سرچینو ترمخه یو شمیر ترهګر افغانستان څخه پاکستان ته داخلیدلو په مهال په نښه شوي او په بریاليتوب سره له منځه وړل شوي دي.
د امنیتي سرچینو ترمخه په دې ترهګرو کې زیات شمیر ترهګر افغانستان نیشنلټي لري او دوی په پاکستان کې ترهګريز بریدونه کوي، د بریدونه دوی په افغانستان تیاروي او په پاکستان کې ی ترسره کوي.
پاکستان بیا بیا له نړۍ او ملګري ملتونو غوښتي دي چې په افغانستان کې د وسله والو شتون ددې سیمې د امن او پرمختګ لپاره یو جدي ګواښ دې او باید ددې ګواښونو مخه ونیول شي.
نورخبرونه
وسله وال له افغانستانه پاکستان ته را داخلیږي او ترهګري کوي: بیرسټر سیف