اسلاماباد: پاک بحریه په شمالي عربي سمندر کې د لټون او ژغورنې بریالی عملیات ترسره کړی او د یوې تجارتي بېړۍ ۱۸ کسیزه بهرنی عمله یې خوندي ژغورلې ده د آیاېسپيآر له مخې، له تجارتي بېړۍ MV Gold Autumn څخه د بیړني پیغام وروسته د پاک بحریې بېړۍ PNS حنین سمدستي د پېښې ځای ته ورسېده او د ژغورنې عملیات یې پیل کړل
په ژغورل شوو کسانو کې د چین، بنګلهدېش، میانمار، ویتنام او اندونیزیا اتباع شامل دي، چې په خوندي ډول له بېړۍ څخه ایستل شوي دي
اعلامیه وايي چې PNS حنین نه یوازې عمله خوندي انتقال کړه، بلکې د بېړۍ عملې ته یې سمدستي طبي مرسته هم ورکړه او د اور وژنې په چارو کې یې هم مرسته وکړه وروسته ټول ژغورل شوي کسان د طبي معاینې او خپلو هېوادونو ته د ستنېدو لپاره کراچۍ ته لېږدول شوي دي