وزیر اعظم شهباز شریف ویلي چې په هېواد کې د کیشلیس (بېنغده) اقتصاد د ودې لپاره د معلوماتي ټکنالوژۍ اغېزمن استعمال د حکومت له لومړیتوبونو څخه دی. دا خبره هغه د نړیوال ډیجیټل آپریټر ‘ویون ګروپ’ د CEO کان ترزي اوغلو او د هغه د مل پلاوي سره د لیدنې پر مهال وکړه
ډیجیټل آپریټرز
په دې ناسته کې وزیر اعظم ټینګار وکړ چې حکومت به د ډیجیټل آپریټرز او د آی ټي په برخه کې د بهرنیو پانګونو د جلب لپاره هر ډول اسانتیاوې برابرې کړي. هغه په هېواد کې د 5G سپیکټرم بریالۍ نیلامي د ټکنالوژۍ د نوښت او اقتصادي پرمختګ لپاره یو مهم پړاو وباله او اړوندو ادارو ته یې لارښوونه وکړه چې د نړیوالو پانګهوالو لپاره عملي اقدامات یقیني کړي.
په دې موقع د ویون ګروپ CEO کان ترزي اوغلو د پاکستان د ډیجیټل اقتصاد پرمختګ او د 5G نیلامۍ چټک بهیر وستایه. هغه د بېلابېلو برخو کې د پانګونې د زیاتوالي لپاره د وزیر اعظم شهباز شریف هڅې اغېزمنې وبللې او د پاکستان د ډیجیټل راتلونکي سره یې ژوره علاقه وښوده