د ایران د انقلابي ګارډ (سپاه پاسداران) له خوا مایکروسافټ، ایپل، ګوګل، انټل او بوینګ په ګډون ۱۸ لوی امریکايي ټیکنالوژۍ شرکتونو ته سخت خبرداری ورکړل شوی او هغوی یې “مشروع پوځي هدف” اعلان کړي دي
د ایراني رسنیو په وینا، دا اقدام د متحده ایالاتو او اسرائیل له لوري د وروستیو ادعايي ترهګریزو عملیاتو او د مهمو شخصیتونو د هدفمند وژنو په ځواب کې اخیستل شوی، چې پکې د دغو شرکتونو د احتمالي رول یادونه هم شوې ده
سپاه پاسداران
د سپاه پاسداران په اعلامیه کې ویل شوي چې یاد شرکتونه د معلوماتي او مخابراتي ټکنالوژۍ (ICT) او مصنوعي ځیرکتیا (AI) له لارې د جاسوسۍ او وژونکو بریدونو په ملاتړ کې ښکېل دي. په بیان کې خبرداری ورکړل شوی چې دا شرکتونه به له دې وروسته د ایران د ځوابي اقداماتو هدف ګرځي
ایراني انقلابي ګارډ همدارنګه د دغو شرکتونو کارکوونکو او د دفترونو شاوخوا مېشتو خلکو ته سپارښتنه کړې چې د احتمالي بریدونو د مخنیوي لپاره دې د یوې کیلومترۍ په شعاع کې سیمه ژر تر ژره پرېږدي. د تهران په وخت د اپرېل د لومړۍ نېټې د شپې ۸ بجې د دغو هدفونو د نښه کولو الټیمیټم هم ورکړل شوی دی
ایراني چارواکي وايي چې د ټکنالوژۍ تر نامه لاندې د ترهګرۍ د ملاتړ کوونکو ادارو ته به اوس له سختو پایلو سره مخامخ شي