د امریکا ولسمشر ډونلډ ټرمپ د منځني ختیځ د روان سخت کړکېچ د کمولو او د سفارتکارۍ ته د یوې بلې چانس ورکولو په موخه د ایران د انرژۍ پر تاسیساتو د احتمالي بریدونو لړۍ د ۲۰۲۶ د اپریل تر ۶مې نېټې، د شپې ۸ بجې (مشرقي وخت) پورې ځنډولې ده دا اقدام په نړیواله کچه د جګړې د خطر د مخنیوي لپاره یوه جدي هڅه او په اسلامآباد کې د روانو پاکستاني سفارتي هڅو لویه بریا بلل کېږي.
د ایران غوښتنه
ولسمشر ټرمپ په خپل وروستي بیان کې ویلي چې د ایران د حکومت د رسمي غوښتنې پر اساس یې د انرژۍ پر پلانټونو د ویجاړۍ عمل وځنډاوه د هغه په وینا، دا مهلت د دې لپاره ورکړل شوی چې د مذاکراتو بهیر تر پایلې ورسېږي. هغه د رسنیو هغه اوازې او “جعلي خبرونه” رد کړل او وویل چې له ایران سره شاته پرده خبرې مثبت لوري ته روانې دي او ژر به پایلې ولري.
د پاکستان سفارتکاري
په همدې حال کې په واشنګټن کې د پاکستان سفیر رضوان سعید شیخ په دې مهم پړاو کې ډېر فعال لیدل کېږي. هغه له نړیوالو مشرانو سره دوامداره اړیکې لري او هغوی ته په سیمه کې د ثبات لپاره د پاکستان د مهم رول په اړه معلومات ورکوي د سفارتي سرچینو په وینا، نوموړي په واشنګټن کې په مهمو غونډو کې د پاکستان بېطرفه منځګړیتوب او د سولې هڅې په مؤثر ډول وړاندې کړې دي، چې د امریکا ادارې له لوري یې هم ستاینه شوې ده
د نړیوالو خبرو اترو مرکز
دا پرمختګ په داسې وخت کې رامنځته شوی چې پاکستان، امریکا او ایران د مستقیمو خبرو د کوربهتوب لپاره هڅې کوي. شنونکي وایي د ټرمپ لخوا د بریدونو ځنډول د اسلامآباد د لوړپوړو سفارتي هڅو نتیجه ده. د کارپوهانو په وینا، د پاکستان منځګړیتوب نه یوازې منځنی ختیځ له یوې لویې تباهۍ ژغورلی شي، بلکې د نړیوالې کچې پر وړاندې د پاکستان سفارتي حیثیت هم زیاتولی شي