اسلاماباد، دسمبر ۲۹، ۲۰۲۵: پاکستان په هند کې د لږکیو، په ځانګړي ډول د مسلمانانو، پر وړاندې د تاوتریخوالي او ځورونې پېښې په کلکو ټکو غندلې او دا یې د جدي اندېښنې وړ بللې ده او د نړیوالې ټولنې ی غوښتي چې دې وضعیت ته پوره پاملرنه وکړي
د کرسمس پر مهال د ورانکارۍ او په هند کې د مسلمانانو پر ضد د روان تاوتریخوالي په اړه د رسنیو پوښتنو ته په ځواب کې، د پاکستان د بهرنیو چارو وزارت ویاند ښاغلي طاهر اندرابي وویل چې وروستي پرمختګونه د نه زغملو، تعصب او د زیانمنونکو ټولنو پر وړاندې د دولتي ملاتړ لرونکو اقداماتو یوه اندېښمنه بڼه څرګندوي
د وزارت خارجه په بیان کې وویل شوی د کرسمس پر مهال د ورانکارۍ غندل شوې پېښې، او همداراز د مسلمانانو پر ضد کمپاینونه ، چې پکې د کورونو نړول او پرلهپسې د خلکو وژل او وهل ټکول شامل دي ، چې د هند د مسلمانانو ترمنځ ی ډار رامنځته کړې دې
ویاند د پخوانیو پېښو یادونه هم وکړه، چې پکې د محمد اخلاق قضیه شامله ده، او دا تورونه یې یاد کړل چې عاملین له حساب ورکولو خوندي ساتل شوي دي
ویاند وویل د چې ددې ډول قربانیانو لېست، له بده مرغه، ډېر اوږد دې او زیاته یې کړه چې دا کړنې په ټول هند کې د لږکیو لپاره د ناامنۍ فضا رامنځته کوي
پاکستان له نړیوالې ټولنې وغوښتل چې دغه پرمختګونه له نږدې وڅاري او د هند د زیانمنو ټولنو او لږکیو د اساسي حقونو د ساتنې لپاره لازم ګامونه واخلي
په بیان کې ټینګار شوی چې د لږکیو د حقونو خوندي کول د سیمې د ثبات او د نړیوالو بشري حقونو د ژمنو د پوره کولو لپاره بنسټیز اهمیت لري
