د پاکستان دفاعي ځواکونو مشر، فیلډ مارشل سید عاصم منیر، ویلي دي چې هغه تفرقه اچوونکي عناصر چې د ملي ثبات د زیان سبب ګرځي، ورسره د مقابلې لپاره بشپړ چمتووالی لري
د پاکستان د پوځ د عامه اړیکو څانګې ،آی اېس پي آر له مخې، فیلډ مارشل سید عاصم منیر د ګوجرانواله او سیالکوټ ګیریژنز دوره وکړه، چېرته چې ورته د فارمېشن د عملیاتي چمتووالي او د جګړهییزو وړتیاوو د لا پیاوړتیا لپاره د پورته شویو ګامونو په اړه بریفنګ ورکړل شو
په دې موقع فیلډ مارشل د فیلډ ټرېنینګ تمرینونه او د عصري سمیولیټر ټرېنینګ اسانتیاوې له نزدې وکتلې. د دفاعي ځواکونو مشر د فارمېشن د لوړو مسلکي معیارونو او عمومي چمتووالي ستاینه وکړه
نوې ټیکنالوژۍ سره باید ښه بلد شو: جنرال عاصم منیر
د آی اېس پي آر له مخې، فیلډ مارشل عاصم منیر د ټکنالوژۍ سره د همغږۍ پر اهمیت ټینګار وکړ او ویې ویل چې په عصري جګړهییز چاپېریال کې چټکتیا، دقت، د حالاتو خبرتیا او پر وخت پرېکړه کوي دیر ضروري دي
په دې موقع د دفاعي ځواکونو مشر له افسرانو او سرتېرو سره خبرې وکړې او د هغوی لوړ مورال او د ملي امنیت لپاره یې نه ماتېدونکی عزم وستای.
فیلډ مارشل د سرتېرو د سخت، ماموریتمحوره روزنې پر اهمیت هم رڼا واچوله او ویې ویل چې د پاکستان پوځ د کورنیو او بهرنیو ننګونو او د افراطي نظریاتو پر وړاندې د مقابلې لپاره بشپړ چمتو دی
هغه ټینګار وکړ چې پاک پوځ د هغو تفرقې اچوونکو عناصرو پر وړاندې چې د ملي ثبات د کمزورۍ سبب ګرځي، په بشپړ ډول مستعد او چمتو دې