بنو: د ترهګرۍ په ضد جوړه محکمه کاونټر ټیررازم ډپاړټمنټ سی ټی ډی وايي د لکي مروت د تختي خېل او هوېد په سرحدي سیمو کې د خوارجو د شتون اطلاعاتو وروسته د بنو او لکي مروت پولیسو، کاؤنټر ټېرورېزم ډیپارټمنټ او د سیمهییزو اوسېدونکو په ګډه مهم عملیات ترسره کړل.چی په نتیجه کی ګنړ شمیر ترهګر وژل شوی پولیس تر اوسه د ۷ کسانو مړی موندل تأیید کړي او نور لټون روان دی
د عملیاتو له بشپړېدو وروسته د پوليسو ډي آی جي سجاد خان خبري غونډه ته وویل چې دغه عملیات نور هم پراخه شوې او په تازه کاروايانو کې نور ترهګر هم وژل شوي دي. هغوی زیاته کړه چې د ترهګرو د پټ ځایونو د معلومولو چارې روانې دي او ګډ ځواکونه سیمه کی د پاکې عملیات تر سره کوی
آر پي او سجاد خان وایی چې دا یوازې یو عملیات نه دی، بلکې په سیمه کې د دايمي سولې د ټينګېدو پر لور یو مهم ګام دی. د خېبر پښتونخوا پولیس د ولس د خونديتوب لپاره هری قرباني ورکولو ته چمتو دي. ترهګر چې هر ځای وي، خپل انجام ته به ورسېږي
په عملیاتو کې د سیمې خلکو هم له پولیسو سره پورا پورا مرسته وکړه. ځایي اوسېدونکو د مشکوکو فعالیتونو په دوامداره راپور ورکولو سره د عملیاتو د بریا لپاره مهم رول ولوبولو . هغوی واضح کړه چې د خپلې خاورې د امنیت لپاره له پولیسو سره اوږه په اوږه ولاړ دي
مهمه ده او باید یادونه وشی چې په خیبر پښتونخوا کی امنیتی ستونزی زیاتی شوی ا په امنیتی ځواکونه ، پولیس او سرکاری ودانو ترهګر بریدونه زیات شمیر کې کیږی د پاکستان امنیتي چارواکي وایی په دې وروستیو کی په پلازمینه ښار اسلام اباد کی د ترهګریز برید ذمه وار او سهولت کار ګرفتار کړې شوي او په دغه برید کی د افغانستان خاوره کارولی شوی ده خو افغانستان دغه تورونو څخه انکار کوي
