کوئټه: د بلوچستان په اورناچ کراس آر سي ډي شاهراه سیمه کې یوه خورا اندېښمنه پېښه رامنځته شوې، چې په کې مشهور دیني عالم مولانا منظور مېنګل د وسلوالو کسانو له لوري تښتول شوي دي
عیني شاهدانو په وینا، وسلوالو کسانو د مولانا مېنګل موټر مخې ته راغلل او هغه ی درولی ، سرچینې زیاتوي چې وسله والو مینګل په زور له ځان سره بوولي دي.
د پېښې تر رپوټ وروسته امنیتي ځواکونو سیمه کلابنده کړې او د پراخ لټون عملیات یې پیل کړي دي
سرچینې وایي چې دې پېښې په ټول بلوچستان کې د ژورې اندېښنې څپه خپره کړې او خلکو دا کار یو بزدلانه او د غندنې وړ اقدام بللی دی
د سیمې دیني، سیاسي او ټولنیزو مشرانو د مولانا منظور مېنګل د ژر تر ژره خوشې کولو غوښتنه کړې او ویلي یې دي چې دا پېښه د بلوچستان د امن او ثبات لپاره یو خطرناک پرمختګ دی او غوښتنه ی کړې چې د مولانا مینګل په تښتونه کې ککړ کسانو پر ضد دې اقدام وشي
باید یادونه وشي چې په بلوچستان کې له تیرو څو ورځو راهسي امنیتي وضع ډیره کړکیچه شوي دې، د پاکستان امنیتي چارواکو ترمخه په سیمه کې د هند ملاتړ لرونکې فتنه الخوارج ترهګر سیمه ایز مشران ،دیني عالمان او امنیتي ځواکونو اهلکار په نښه کوي چې په سیمه کې ناامني او ترهګري خپره کړي
نورخبرونه: بلوچستان کې ترهګري: یو قبایلي مشر او درې نور تنه وژل شوي