د پاکستان د پوځ د وياند د وينا له مخې، د اورکزي په ضلع کې د امنيتي ځواکونو لهخوا يو بريالی عمليات ترسره شوی چې په ترڅ کې ۱۹ ترهګر وژل شوي دي.
د معلوماتو له مخې، دا عمليات د اکتوبر د ۷مې او ۸مې نېټې تر منځ شپه کې ترسره شوی و. امنيتي ځواکونو دا کاروايي د استخباراتي معلوماتو پر بنسټ وکړه، او هغه ترهګر يې له منځه يووړل چې د هند ملاتړ ورسره و.
د پوځ وياند زياته کړه چې د ترهګرو پټنځایونه د استخباراتي معلوماتو له مخې په نښه شول، او د امنيتي ځواکونو له خوا دښمن ته دروند ځاني تاوان واوښت.
خو له بلې خوا، د هېواد د دفاع پر مهال لېفټننټ کرنل جنېد عارف، مېجر طيب راحت، او ۱۱ پوځيان د هېواد د ساتنې په لاره کې شهیدان شوي دي. .
د پوځ د وينا له مخې، د هېواد زړورو ساتونکو د لوړې مورال او بېسارې مېړانې سره جګړه وکړه او د خپل وطن د دفاع په لار کې ی خپل ژوند قربان کړ.
د پاکستان پوځ ویاندې ادارې د معلوماتو ترمخه هغه پوځي اهلکار او افسران چې شهیدان شول، نومونه ی لاندې ورکړل شوي دي.
لېفټننټ کرنل جنېد عارف
مېجر طيب راحت
نايب صوبېدار اعظم ګل
نايک عديل حسين
نايک ګل امير
لانس نايک شير خان
لانس نايک طالش فراز
لانس نايک ارشاد حسين
سپاهي طفيل خان
سپاهي عاقب علي
سپاهي محمد زاهد
د پاکستان پوځ ویاند وویل چې د ترهګرۍ پر ضد جګړه به دوام ولري او هغه اتلان چې د هیواد د دفاع لپاره ی خپل ځانونه قربان کړل پاکستانۍ قام به ددوی قرباني کله هم هیره نه کړي.
.
همدارنګه، د نايب صوبېدار اعظم ګل په اړه ويل شوي چې هغه د جمال مېله، کرم ايجنسي کې د ترهګرو د يو بريد پر مهال د خپلې دندې په وخت د شهادت لوړه درجه ترلاسه کړه. د سيمه ييزو سرچينو له مخې، نايب صوبېدار اعظم ګل د مرکزي کرم په سيمه کې پر خپله دنده بوخت و، چې د ترهګرو د حملې په نتيجه کې شهيد شو
نورخبرونه
قتل او باج اخستلو په یو شمیر مقدمو کې مطلوب تورن ادمې له منځه یوړل شو