کالعدم پاکستان تحريک طالبان د تيرې مياشتې دوران خېبرپښتونخوا کښې شوي بريدونو راپور خپور کړېدے ،راپور کښې وئيلي شويدي چې د تيرې مياشت دوران ئې جنګيالو ۳۵۹ بريدونه کړي وو ۔ د دې بريدونو په ترڅ کښې ۴۷۶ وژل کيدو او ۳۱۷ ټپیان کولو ادعا شويده ، راپور کښې زياته کړي شويده چې ياد بريدونه په شمالي او جنوبي وزيرستان،باجوړ او په ځني نورو سيمو کښې ترسره شوي وو۔ سيکيورټي سرچيني اګرچه د طالبانو د دې دعوؤ تصديق يا ترديد نه کوي خو تيره مياشت هم د خېبر پښتونخوا جنوبې ضلعو په خصوصي توګه لکي مروت،بنو،شمالي،جنوبي وزيرستان،دير او باجوړ کښې د ترهه ګرۍ پيښې رامخې ته شوي وې چې پکښې سيکيورټي فورسز سره سره عام وګړو ته هم مرګ ژوبله اوړيدلې وه ۔ د پاکستان کالعدم تنظيمونه په افغانستان کښې خوندي مرکزونه لري او هم د هغې سيمو نه ترهه ګرۍ بريدونو لپاره جنګيالي استوي چې پکښې زياتره ترهه ګر سيکيورټي فورسز د لاسه وژل شوي هم دي ۔