په ملګرو ملتونو کې د امنیت شورا په غونډه کې پاکستان د یمن روانه جګړه د پای ته رسېدو غوښتنه وکړه.
د پاکستان د مرستیال استازي عثمان جدون په وینا، یمن د جګړې له امله له سخت اقتصادي او انساني بحران سره مخ دی، او دوامداره شخړه نه یوازې د سیمې د سولې او ثبات لپاره ګواښ دی بلکې د یمني ولس لپاره هم ستره فاجعه جوړولی شي.
پاکستان د جګړې د سمدستي اوربند، د نیول شویو کسانو د خوشې کېدو او د ډیپلوماسۍ د بیا پیل غوښتنه وکړه.
عثمان جدون وویل چې د مرستندویه کارکوونکو نیول او د هغوی سره ناسم چلند د بشري قوانینو جدي سرغړونه ده، او باید ټول یمني ولس ته بېله توپیره بشري مرستې ورسېږي.
پاکستان نړیوالو ادارو څخه د بیړنیو اقداماتو غوښتنه وکړه څو د انساني ناورین مخه ونیول شي، او ټینګار یې وکړ چې نړیواله ټولنه باید په ګډه د سولې د راوستلو لپاره اغېزمن ګامونه پورته کړي. هغه زیاته کړه چې پاکستان د یمن له ولس سره یووالی څرګندوي او د ګډې تګلارې د جوړېدو غوښتنه کوي
نورخبرونه
د پاکستان سوله ساتونکي نن د ملګرو ملتونو لخوا په لوې درناوي سره ونازول