د کینیډا په ټورنټوښار کې د کډوالۍ پر ضد لانجمنه غونډه؛ د پاکستان دریځ هم راڅرګند شوې دې.
د سپتمبر پر ۱۳مه په ټورنټو کې یوه لانجمنه د کډوالۍ ضد کینیډا فرسټ ریلی جوړېږي، په داسې حال کې چې عین وخت کې د تر عنوان لاندې کرسټي پټس پارک کې مظاهره هم پلان شوې ده. دغه پارک په ۱۹۳۳ کال کې د نژادي تاوتریخوالي د پېښو له امله شهرت لري. .
د ریلي تفصیل
ریلی د جو اینجر په مشرۍ ترسره کېږي او د غرمې له ۱ بجې تر مازیګر ۴ بجو به روانه وي. دا غونډه او مظاهره تردې شعارونو لاندې جوړیږي چې د ډله ییزې کډوالۍ مخه ونیسۍ او د ډله ییزو ایستل پیل وکړې.
د مخالفت اوازونه
د ریلی په ځواب کې ګڼې مدني ډلې، کورنۍ او ځايي ټولنې د «نفرت نه، کډوالو ته هو!» تر شعار لاندې د غبرګون مظاهره جوړوي. دا مظاهره به د غرمې پر ۱۲ بجو پیل شي. د تنظیموونکو په وینا، هغوی د ولس پراخ ملاتړ لري.
امنیتي تدابیر
ټورنټو چارواکو د احتمالي شخړو له امله سخت امنیتي تدابیر نیولي دي. د کرسټي پټس پارک تاریخي مخینه ـ هغه شخړه چې د سواستیکا بیرغ پورته کولو له امله پیل شوې وه ـ د ښار د حساسیت کچه نوره هم لوړه کړې ده.
د منتظم دریځ
د ریلی مشر جو اینجر وایي چې د دوی موخه د کډوالو پر ضد کرکه نه ده، بلکې د کاناډا د ټولنې ساتنه ده. هغه ادعا کوي چې د کاناډا خلک غواړي د ډله ییزو کډوالو راتګ بند کړي او خپل کلتور خوندي وساتي. د هغه په خبره، بهرنیان باید د هغه هېواد درناوی وکړي چې هغوی ته یې د اوسېدو ځای ورکړی.
خو شنونکي خبرداری ورکوي چې د «ری مایګریشن» اصطلاح ډېری وخت د نژادي صفايي لپاره کارېږي، چې کډوالو ته د زور له لارې د ستنېدو فشار اچوي.
د پاکستان دریځ
په اسلاماباد کې دغه ریلی هم د پام وړ ګرځېدلې ده. د پاکستاني چارواکو او شنونکو په وینا، لکه څنګه چې کاناډایانو ته حق دی چې غیرقانوني کډوال خپل هېوادونو ته بېرته واستوي، همداسې باید نړۍ د پاکستان خپلواک حق هم ومني چې غیرقانوني کډوال وباسي.
پاکستاني چارواکي زیاتوي چې غیرقانوني کډوال د هر هېواد د ثبات لپاره ګواښ وي او د قوانینو سرغړونکي باید د ایستنې تر پروسې لاندې راوستل شي. هغوی د کاناډا د ریلی او د پاکستان د ایستنې تګلارې تر منځ ورته والی څرګند کړ.
د دې ترڅنګ یادونه شوې چې تېر کال پاکستان د غیرقانوني افغان کډوالو د ایستلو پروسه چټکه کړه، ځکه چې د هغوی اوسېدنه د امنیت او ثبات لپاره یو خطر ګڼل کېده.
نړیواله اغیزه
شنونکي وایي چې دا ریلی یوازې د یو کوچني ډلې له خوا نه ده، بلکې د لویدیځو هېوادونو په کچه د یوې لویې څپې برخه ده. په شمالي امریکا او اروپا کې د ښي اړخو خوځښتونو او د دوی د مقبولیت زیاتېدو په اړه دا یو بل نښه ده.
د سپتمبر ۱۳مه د ټورنټو لپاره یوازې د بیان د آزادۍ ازموینه نه ده، بلکې د ښار د زاړه نژادي او کلتوري وېش یو ځل بیا راښکاره کوي او دا پوښتنه هم راپورته کوي چې د «کلتوري هویت» مانا بېلابېلو ټولنیزو ډلو ته څه ده۔
نورخبرونه
په خېبر پښتونخوا کی سرکاری ملازمینو صوبایی بجټ رد کړی او د پرلت غځولو اعلان ی کړی