د جمعیت علمای اسلام (ف) مشر مولانا فضل الرحمان په اسلاماباد کې د افغانستان اسلامي امارت سفارت خانې ته ورغلې. .
په دې مهال هغه د افغانستان له سفیر سردار احمد جان شکیب سره لیدنه کړې. په لیدنه کې د وروستیو ورځو ننګرهار او کونړ زلزلو او د هغې له امله رامنځته شوې وضعې او اغېزو په اړه ی ورسره خواشينې څرګنده کړې ده. .
مولانا فضل الرحمان د زلزلې له امله د رامنځته شويو ځاني او مالي تلفاتو له کبله ژور خپګان او خواشیني څرګنده کړه. هغه د شهیدانو لپاره د مغفرت دعا وکړه او د ټپیانو د ژر روغېدو دعا یې هم وکړه.
د جے یو آی مشر وویل چې ورور هېواد افغانستان په دې سخته شېبه کې یوازې نه دی او پاکستان به هر ډول ممکنه مرسته برابره کړي. هغه د افغان ولس قربانیو او مبارزو ته درناوی څرګند کړ او د بشپړې یووالي ډاډ یې ورکړ.
د افغانستان سفیر سردار احمد جان شکیب د مولانا فضل الرحمان له لیدنې او خواخوږۍ څخه ځانګړې مننه وکړه. ده وویل، دغه د یووالي څرګندونه د دواړو هېوادونو د پیاوړو ورورګلويو اړیکو ښکاره ثبوت دی.
په دغه مهال د جے یو آی د مرکزي مالي چارو سکرتر مولانا صلاح الدین ایوبي او د جے یو آی بلوچستان عمومي سکرتر سید آغا محمود شاه هم ورسره ملګري وو دلته مهمه ده او باید یادونه وشی چې د کونړ زلزله ځپلو لپاره د پاکستان وزیراعظم شهباز شریف لوري په ځانګړې لارښوونه مرستې ورلیږل شوي دي ، په مرستو کې خوراکي توکي ، غیر خوراکي توکي، د ژوند د اړتیا سامان او دارو درمل هم کونړ زلزله ځپلو لپاره د پاکستان لوري ورلیږل شوي دي.
نورخبرونه
افغانستان خاوره باید د پاکستان په ضد و نه کارول شي: انجنیر امیر مقام