په خیبر پښتونخوا کې د ترهګرۍ پیښو په اړه یو مهم راپورټ جاري شوې دې.
خیبرپښتونخوا کې د تېرو اتو میاشتو په موده کې د ترهګرۍ ۶۰۵ پیښې شوي دي ، په دې پیښو کې ۱۳۸ عام وګړي شهیدان شوي دي، ۳۵۲ ټپیان شوي .
په رپورټ کې وایی چې روان کال کې ۷۹ پولیس اهلکار هم په ترهګریزو پیښو کې ژوند له لاسه ورکړې دې او ۱۳۰ نور پولیس اهلکار ټپیان شوي دي.
سي ټي ډي رپورټ کې زیاتوي چې تیره میاشت د ترهګرۍ ۱۲۹ پیښې رپورټ شوي او په دې پیښو کې ۱۷ عام وګړي شهید او نور ۵۱ ټپيان شوي دي. په دې رپورټ کې وایی چې ترهګرو سره په نښتو کې ۱۳ پولیس شهیدان او ۴۶ نور ټپیان شوي دي.
د خپور رپورټ ترمخه تیره میاشت په بنو کې د ټولو زیاتې ۴۲، شمالي وزیرستان کې ۱۵ ، جنوبي وزیرستان ککې ۱۴ ، دیر کې ۱۱، ډي آیی خان او کرمه کې ۸، ۸ پیښې مخې ته راغلې .
دلته دا هم مهمه ده چې وړمه ورځ په بنو کې د ایف سي په لویه دروازه ځانمرګي برید هم ترسره شو او یو شمیر ترهګر د ودانۍ دننه داخل شو.
د پاکستان پوځ ویاندې ادارې آیی ایس پی آر ترمخه امنیتي ځواکونو ۱۰ ساعته جګړې ورسته ټول ۶ ترهګر له منځه یوړل او ۶ امنیتي سرتیرې هم شهیدان شول.