د پنجاب صوبې په چناب، ستلج او راوي سیندونو کې د پرلهپسې اوبو د زیاتوالي له امله د پنجاب ګڼې سیمې د سختو سیلابونو لاندې راغلي دي
د حفاظتي بندونو د ماتېدو له کبله سلګونه کلي او ابادۍ تر اوبو لاندې شوي۔
او اوولس ۱۷کسانو ژوند له لاسه ورکړې او په زرګونو کسان بې کوره شوي دي ،په لاهور کې ګڼ شمېر سیمې د سیلاب تر اغېز لاندې راغلي دي
د راوي سیند په شاهدره سیمه کې د سخت لوړ کچې سیلاب راپور شوی چې له امله یې
فرخآباد، عزیز کالوني، امین پارک، افغان کالوني، شفیقآباد او مریدوالا سیمې زیانمنې شوي دي. د رینګ روډ ترڅنګ د بادامي باغ سیمه ګڼې برخې هم د اوبو لاندې شوې دي، په چوهنګ کې د یوې شخصي ښارګوټي اوسېدونکو کډه کړې ده
په نارنګ منډۍ راوي سیلابي څپو د نارنګ منډي زرګونه جریبه کرنیزه ځمکه ویجاړه کړې ده او د مواصلاتو نظام ګډوډ شوی چې له امله یې د شکرګړهه نارووال سرک په اوبو کې ډوب شوې، قلعه احمد اباد کې د اورګاړي پټلۍ هم په سیلابي اوبو کې ډوبه شوې چې له امله ی د ریل تګ راتګه هم اغیزمن شوې دې
په سیمه کې د کرکروندې پټي او فصلونو د زیاتو اوبو راتلو له امه له منځه تللي دي
د چینوټ په لالیا تحصیل کې د اوبو لپاره تړل شوې حفاظتي بند هم د زیاتو اوبو له امله شلیدلې چې له امله ی سلو زیات کورونه اوبو کې ډوب شوي او په زرګونو ځایی خلق له سیمې کډه شوي
په چینوټ کې له ۸ اته لکه۵۳۰۰کیوسک زیاته د اوبو څپه له سیمې تیریږي
د هوا پېژندنې ادارې وړاندوینه
د هوا پېژندنې ادارې د راپور له مخې، له نن نه تر دویم سپتمبر پورې د سختو بارانونه امکان دې
د هیواد په ملتان، ډي جي خان، راجن پور، لیه، بهکر، ساهیوال، بهاولپور او رحیم یار خان کې په ۲۹ او ۳۰م اګست د سختو بارانونو له امله ټیټې سیمې په اوبو کې د ډوبیدو اندیښنه ده.
د خیبر پښتونخوا په سیمو کې هم په ۲۹ او ۳۰م اګست د سختو بارانونو امکان دې، په ملاکنډ او هزاره ډویژن، آزاد کشمیر او ګلګت بلتستان کې د غرښویدنې او د یخچالونو د شلیدلو اندیښنه ده.
د هوا پیژندنې ادارې له مخه کراچۍ، ټهټه، سجاول، بدین ، تهرپارکر کې د سختو بارانونو له امله د سیلابي څپو راتللو او په بلوچستان کې د غرښوویدنې اندیښنه څرګنده شوې ده