د کورنيو چارو لپاره وزير مملکت طلال چوهدري د عليمه خان د زامنو د نيول کېدو په اړه غبرګون ښودلی او په دې اړه ی یو بیان جاري کړې دې
د کورنيو چارو د دولت وزير طلال چوهدري په خپل بیان کښې ویلي دي چې تاسو ويلای شئ چې پوليسو د هغوی په نیولو کښې ورستوالې وکړو، خو دا نه شئ ويلای چې د هغوی کيسونه جعلي دي
د یو شخصي ټي وي په مرکه کې چوهدري د علیمه خان زامنو ، شاه رېز او شېر شاه، د نيول کېدو په اړه وويل چوهدري اوویل چې دواړه د مې نهمې نېټې پېښو پر مهال په جناح هاوس کې موجود وو.
هغه زياته کړه، پوليسو د شواهدو د ټولولو په بهير کې ډیر وخت واخستو او که کوم شواهد موجود نه وي نو هغوی ته به ريليف ورکړل شي.
طلال چوهدري وويل، د عليمه خان زوی د ۲۴ ساعتونو نه وړاندې محکمې ته وړاندې شوی، تاسو ويلای شئ چې پوليسو هغوی لږ وروسته نیولي ، خو دا نه شئ ويلای چې د هغوی کيسونه جعلي دي
بل لور ته د تحريک انصاف مشر اسد قيصرد علیمه خان د زامنو نیولو وروسته ویلي دي چې د عليمه خان د زامنو د نيول کېدو له لارې هڅه شوې چې پر موږ فشار راوړل شي
هغه اوویل چې موږ يوازې د يوه ستر ډايلګ غوښتونکي يو چې پکې ټولې سياسي قوتونو او نور مشران شامل وي.
د علیمه خان زامن کله ونیول شول؟
دلته مهمه ده او باید چې یادونه وشي چې د عليمه خان زوی شاه رېز د اګست په ۲۱مه نېټه په لاهور کې له خپل استوګنځي ونيول شو، او تېره ورځ شېر شاه هم له محکمې د بېرته ستنېدو پر مهال ونيول شو۔