اسلام آباد کې د امن لپاره غونډه، کابل سخت غبرګون ښودلې

د افغانستان سرپرست بهرنیو چارو وزیر، مولوي امیر خان متقي، سیمه ییزو هېوادونو ته په ځانګړي ډول پاکستان ته توند خبرداری ورکړی، وروسته له هغې چې د اسلام اباد یو څېړنیز مرکز اعلان وکړو چې د افغان تبعیدي سیاستوالو، د ښځینه فعالانې او سیاسي څېرو په ګډون به دوه ورځنی غونډه جوړوي. .

متقي د زمري ۲۸مه (۱۹ اګست)، د افغانستان د ۱۰۶مې د ازادۍ ورځې په لمانځغونډه کې په کابل کې وویل چې افغانستان کې اوس یو “ډېر ښه نظام” رامنځته شوې ، نوموړي ګاوڼدیانو ته پیغام ورکړې چې نور دې د افغانستان په اړه بد خوبونه نه ویني.

هغه زیاته کړه چې په افغانستان ډېر په ښه ډول پرمخ روان دی، اوس که ګاونډیان وي او که نور هېوادونه، باید د افغانستان لپاره بد خوبونه نور پرېږدي. افغانستان یو موټی شوی دی. د ډېرو تجربو وروسته، افغانستان یو ښه نظام جوړ کړی دی.

په دې اړه هغه د پښتو صوفي شاعر رحمان بابا یو څو شعرونه هم اوویل

ته چې بل په غشو ولې هسې پوې شه

چې هم دا غشي به ستا په لور ګوزار شي

کوهي مه کنه د بل سړي په لار کې

چرې ستا به دې کوهي په غاړه لار شي

په دغه غونډه کې د طالبانو د دفاع وزیر ملا یعقوب هم حاضر و. متقي د پښتو صوفي شاعر رحمان بابا له شعره په الهام وویل چې هر ډول دښمنانه عمل ته به په ورته ډول ځواب ورکړل شي. .

له پاکستان سره ترینګلي اړیکي

که څه هم د پاکستان له لوري کابل ته پرله پسې پلاوي ورغلي چې پکې د آی‌اېس‌اې مشر، د پوځ د قول اردو قوماندانان، دیني عالمان، سناتوران، خبریالان او حکومتي استازي شامل دي خو د طالبانو مشرتابه د ترهګرو د پټنځایونو له منځه وړلو کې هیڅ څرګند پرمختګ نه دی کړی. .

دا دریځ د طالبانو د ستر مشر هبت الله اخندزاده له هغه فرمان سره په ټکر کې دی چې ویلي یې دي: د افغانستان خاوره باید د سرحدي بریدونو لپاره ونه کارول شي.

سیمه ییزې اندېښنې

د پاکستان د بهرنیو چارو وزارت تر اوسه د متقي په دې خبرداري څه نه دي ویلي. خو شنونکي وايي چې په کې څرګنده تناقض موجود دی:

دلته باید یادونه وشی چې کابل د اسلام اباد په یوه ملکي سولې غونډه سخت اعتراض کوي خو خپله ټي ټي پي او بي ایل اې په څیر ترهګرو ډلو ته پټ ځایونه ورکوي.

د امریکا پخواني استازي زلمی خلیلزاد د افغان تبعیدي سیاستوالو کوربه توب د پاکستان له لوري “ډېره ناسمه پرېکړه” بللې. خو افغان ګډونوالو لکه فوزیه کوفي د هغه اندېښنې رد کړې او ټینګار یې کړی چې د سیاسي خبرو لپاره ځای برابرول د افغانستان د راتلونکي لپاره حیاتي اهمیت لري.

دلته مهمه ده او باید چې یادونه وشی چې دغه غونډه د سولې جوړولو او د ګډون پر پراخولو لپاره ده نه چې دا غونډه د بې ثباتۍ لپاره، خو د کابل لپاره اصلي ازموینه دا ده چې په خپله خاوره کې د ترهګرو مرکزونه له منځه یوسي.

افغانستان باید یواځي د رحمان بابا په شعرونو وړاندې کولو سره خپل ځان خلاص نه کړي او خپله ذمه واري او مسولیت څخه اوپیژني