د امریکا بهرنیو چارو وزارت دا څرګندونې د دواړو هېوادونو ترمنځ د تازه سوداګریز تړون وروسته شوې، چې له مخې به د پاکستاني صادراتو پر تعرفو کمی راشي او پانګونه به زیاته شي
د پاکستان او متحده ایالاتو ترمینځ د اقتصادي تړون او پرمختګ په اړه یو مهم خبر مخې ته راغلې دې.
د امریکا د بهرنیو چارو وزیر مارکو روبیو د پاکستان د خپلواکۍ ورځې په مناسبت د یو بیان له لارې یو مهم د اقتصادي پرمختګ په اړه بیان خپور کړې دې، هغه ویلي چې واشنګټن غواړي له پاکستان سره د مهمو معدني موادو او هایدروکاربنونو په برخه کې همکاري پراخه کړي.
باید یادونه وشی چې دا څرګندونې د دواړو هېوادونو ترمنځ د تازه سوداګریز تړون وروسته شوې، چې له مخې به د پاکستاني صادراتو پر تعرفو کمی راشي او پانګونه به زیاته شي.
د پاکستان د سوداګرۍ وزیر ویلي، امریکا ته به د بلوچستان په لویو کانونو کې د پانګونې فرصتونه ورکړل شي، چې پکې د ریکو ډیک پروژه شامله ده کومه چې د نړۍ له سترو سرو زرو او مسو کانونو څخه یوه لویه پروژه ده.
. روبیو زیاته کړې چې مونږ د نویو اقتصادي همکاریو، د مهمو معدني موادو او هایدروکاربن په برخه کې د ګډو کاروباري مشارکتونو ته سترګې په لار یو.
دلته ددې خبرې باید یادونه وشی چې امریکا او پاکستان ترمینځ دا پرمختګ د دواړو هېوادونو ترمنځ د اړیکو ښهوالی ښيي، په ځانګړي ډول د ترهګرۍ ضد همکارۍ او سوداګرۍ په برخو کې دا یو لوی مثبت بدلون دې چې د پاکستان په اقتصاد به ښه مثبته اغیزه وکړي