پيښور — د امنيتي چارو کارپوهان وايي چې په بره دير او ښکته دير، پېښور او جمرود او بنو ضلعی په ګډون په خيبر پښتونخوا کې د پوليسو پر هدف شوي ترهګريز بريدونه ښايي د دې ولايت او سرحدي سيمو کې د تازه پوځي او استخباراتي عملياتو غبرګون وی
د امنیتي چارو څیړونکی او خبریال حق نواز خان وايي چې په څو ضلعو کې پر پولیسو وروستي مربوط وسلهوال بریدونه ښايي د باجوړ له عملیاتو سره تړلي د غچ اخیستنې هڅې وي. سره له دې چې ګواښ زیات شوی، خو ایالتي حکومت تورن دی چې د راتلونکو احتمالي ترهګريزو بریدونو د مخنیوي لپاره یې کافي تدابیر نه دي نیولي. دوی زیاتوي د سیمې له ځمکني راپورونو څرګندیږي چې د بېځایه شویو کورنیو لپاره د سختې ګرمۍ په حالاتو کې کافي اسانتیاوې نه دي برابرې شوې، او داسې راپورونه هم شته چې په عملیاتو کې ملکي وګړي وژل شوي او یا بند پاتې دي. حق نواز خان په دی خبره زور ورکړو چی صوبایی او نه مرکزی حکومت په ښکاره توګه د دغه عملیاتو مسؤلیت پر غاړه اخیستی او خلقو د ژوند خوندی ساتلو دپاره ی کوټلی ګامونه هم نه دی اخستی دوی وایی کله چی هم د وسله په ضد عملیات شوی نو د هغی غبرګون بیا په نورو سيمو کی د حملو په صورت کی رامینځ ته شوی ،،
امنیتی چارواکی وایی نن د زيارت په شپه د خیبر پښتونخوا په مختلفو برخو کي په ترهګریز حملو کی پنځه د پوليس سر تیری وژل شوی او پنځه نور ژوبل شوی
امنیتی ځواکونه وايي د استخباراتي معلوماتو پر بنسټ په باجوړ، بنو او شمالي وزيرستان کې د منځنۍ کچې قوماندانان له منځه وړي، د وسلوالو د رسد لارې يې ګډې وډې کړي او پټ پناه ځایونه يې ويجاړ کړي دي.کارپوهان وايي، دا فشار وسلوال اړ کړي چې د سيمو له نيولو څخه لاس واخلي او پر ځای يې د “لګېدلو او تښتېدو” ډول لوړ شهرت لرونکي بريدونه ترسره کړي څو د ولس باور کمزوری کړي.
يو لوړپوړي امنيتي چارواکي وويل چې د ا په يو وخت په مختلفو ځایونو کې بريد کول د دې لپاره کېږي چې امنيتي ځواکونه ډېر بوخت وساتي او عملیاتو نه ډډه اوکړی ددی وروستو بریدونو ذمه واری کومی ترهګر ډلی نه ده منلي
دغه بريدونه څو ورځې وروسته له هغې وشول چې امنيتي ځواکونو د باجوړ او خيبر په ولسواليو کې د عملياتو پرېکړه وکړه. دا پرېکړه وروسته له هغې وشوه چې د باجوړ د امن جرګې او وسله والو ترمنځ خبرې بې نتيجې پاى ته ورسېدې. قومي مشرانو غوښتنه کړې وه چې وسله وال له سيمې وباسي، خو د چارواکو په اټکل، د ماموند تحصيل په دوو سيمو کې شاوخوا ۳۰۰ وسله وال او په خيبر کې تر ۳۵۰ ډېر وسله وال شتون لري.
په باجوړ کې د “سربکاف” په نوم عمليات د جولای په وروستيو کې د افغان پولې ته نږدې د شکمنو پټ ځایونو د له منځه وړلو لپاره پيل شول چې له امله يې لسګونه زره خلک بې کوره شول. د حکومتي شمېرو له مخې، ۱،۴۹۷ نارينه، ۱،۵۵۲ ښځې او ۳،۵۵۸ ماشومان په حکومتي سرپناه کې ژوند کوي، او ۲،۴۹۷ نور د سپورټس سټيډيم په موقتي کیمپونو کې مېشت دي. د نږدې ۲۰،۰۰۰ بې کوره کورنيو د ثبتولو لړۍ روانه ده.
که څه هم د پاکستان امنيتي جوړښت اوس د ۲۰۰۷–۲۰۱۴ د وسلوالو د څپې په پرتله ډېر مستحکم ګڼل کېږي — د نوي شوي ملي عمل پلان او د پوځ، پوليسو او استخباراتو ترمنځ د همغږۍ له امله — کارپوهان وايي ځينې کمزورۍ لا هم پاتې دي.
حق نواز خان وايي ٫٫د سرحدي سيمو د پوليسو پوستې د پوځ له پوستو کمې دفاعي وړتياوې لري، د افغانستان په اوږدو کې ځينې پوله لا هم پرانيستې دي چې نفوذ ته لاره برابروي، او ښاري مرکزونه لکه پېښور د نفوس د زیات والی او د امنيتي ادارو د واک د ګډوډۍ له امله نرم هدفونه دي.
دغه بريدونه په داسې حال کې کېږي چې په ټول هېواد کې د ترهګرۍ پېښې يو ځل بيا په زياتېدو دي. د پاکستان د شخړو او امنيت څېړنيز انستيتيوټ د راپور له مخې، يوازې د جون په مياشت کې ۷۸ ترهګريز بريدونه شوي چې لږ تر لږه ۱۰۰ کسان پکې وژل شوي دي. د چارواکو په وينا، له ۲۰۲۱ کال راهيسې دغه ګواښ په پرله پسې ډول زيات شوی دی.