د اسرایلي ځواکونو له لوري په غزه باندې بریدونه دوام لري. د رسنیو راپورنو ترمخه په یو کور د اسرایلو برید له امله د کور ټول غړي چې پکښې ۶ ماشومان هم شامل دي، شهیدان کړې شوي دي.د غزه په کلی واله سیمه زیتون کښې د یوه کور په نښه کولو سره ټوله کورنی شهیده شوې، د راپور ترمخه په شهیدانو کښې مور، پلار او د دوی ۶ شپږ ماشومان شامل دي۔
دلته مهمه ده او باید چې یادونه وشی چې د غزه په سیمه کښې د اسرائيلي پوځ بریدونه روان دي، او په وروستي عملیاتو کې نور ۴۶ فلسطینیان شهیدان شوي دي۔
طبي سرچینو الجزیره ته ویلي چې د ګل ورځ د سهار راهیسې تر اوسه د اسرائيلي بریدونو له امله لږ تر لږه ۴۶ فلسطینیان شهیدان شوي، چې پکښې ۶ هغه کسان هم شامل دي چې د مرستو په لټون کښې وو او د اسرایلي برید لاندې راغلل او شهیدان شول.
د الاقصی روغتون د معلوماتو له مخې، د مرکزي غزه د دیرالبلح د جنوبي او ختیځو سیمو په بریدونو کې اسرائيلي ځواکونو ۴ فلسطینیان شهید کړي دي۔
د فلسطیني سور صلیب په وینا، د غزې ښار په جنوبي سیمه کې د اسرائيلي پوځ په برید کې نور ۳ ملکي کسان شهیدان شوي او ګڼ نور ټپیان شوي دي۔
دلته یو مهم او غمجن خبر په اړه هم یادونه وشی چې پرون اسرائيلو د غزه په ښار کې د خبریالانو پر خیمه بمباري وکړه، چې له امله یې د الجزیره دوه خبریالان او درې کیمره مینان شهیدان شول۔
په شهیدانو کې د الجزیره خبریالان انس الشریف او محمد قریقه، او د کیمرې آپریټر محمد ظاهر، محمد نوفل او مومین علیوا شامل دي۔
یادونه باید وشی چې د اسرائيلو د جبري لوږې د تګلارې له امله د خوړو د کموالي له کبله د مړینې کچه هم لوړه شوې ده، او تر اوسه د خوړو د نشتوالي له امله ۲۱۷ فلسطینیان، چې پکښې ۱۰۰ ماشومان هم دي، ژوند له لاسه ورکړې دې.
دلته باید یادونه وشي چې د کال ۲۰۲۳ د اکتوبر میاشتې راهیسي تراوسه د اسرالي ځواکونو له لوري په غزه بریدونه دوام لري چې له امله ی په زرګونو فلسطینیان شهیدان شوي دي ، په شهیدانو کښې زیات شمیر د ماشومانو دي