د ترهګرۍ ضد عدالت د پي ټي آیی مشرانو په ضد ۹ مې پېښې په اړه مهمه پریکړه مخې ته راغلې ده د ترهګرۍ ضد عدالت ځانګړې محکمې د ۹ مې پېښې اړوند په دوو مقدمو کې پرېکړه اورولې ده، چې له مخې یې شاه محمود قریشي بېګناه وګرځول شو، د پریکړې ترمخه اعجاز چوهدري، ډاکټر یاسمین راشد او نورو ملزمانو ته لس ـ لس کاله د بند سزا اورول شوې ده
د محکمې قاضي د کوټ لهکپت جیل دننه دا پرېکړه اعلان کړه. د پرېکړې له مخې محمود الرشید، عمر سرفراز چیمه، ډاکټر یاسمین راشد او اعجاز چوهدري ته لس ـ لس کاله بند سزا ورکړل شوه. عایشه بهټه ته د جناح هاوس ترڅنګ د موټرو د سوځولو په مقدمه کې لس کاله بند سزا واورول شوه، په داسې حال کې چې د شادمان تاڼې د سوځولو په مقدمه کې ۱۲ تورن کسان بېګناه وګرځول شول .
د ترهګرۍ مقدمو لپاره دې ځانګړي عدالت سهیل خان، اویس، رفیع الدین، فرید خان، سلمان احمد، عبدالقادر، فیضان، طیب، سلطان، شاهیـد بیګ، ماجد علي او بخت روان ته له مقدمې څخه آزاد اعلان کړي دي. د انسداد ترهګرۍ محکمې عالیه حمزه ملک او صنم جاوید ته پنځه ـ پنځه کاله د بند سزا هم اورولې ده.دلته ددې خبرې باید یادونه وشی چې چې څو ورځې وړاندې همدې محکمې عمر ایوب، شبلي فراز او نورو کسانو ته هم د ۹ مې اړوند د سوځولو او ورانولو د پېښو په مقدمو کې سزاګانې اورولې وې.
دلته دا هم مهمه ده چې باید یادونه وشی چې وړمه ورځ د پي ټي آیی پخواني مشر او د عمران خان ځانګړي سلاکار فیاض الحسن چوهان له لوري په عمران خان او د هغه په کورودانې باندې د غلا کولو نوي تورونه ولګول شو، نوموړي دا تور لګولې چې عمران خان ته سروزرو لوټه په ډالۍ کې ورکړل شوه خو خان هغه لوټه ځان سره وساتله او توشه خانه کې ی داسې لوټه جمع کړه چې په هغه لوټه د سرو زرو اوبو رنګ لګول شوې وو