پاکستان د روس او يوکرائن جهګړه کښې د پاکستاني وګړو د شموليت په حواله د صدر زيلنسکي تورونه مسترد کړيدي

د خارجه دفتر ترجمان شفقت علي خان يوکرائن جنګ کښې د پاکستانيانو د ککړټيا په حواله د صدر زيلنسکي په الزاماتو سخت رد عمل ښودلې دے، د خارجه دفتر ترجمان خپل بيان کښې وئيلي دي چې پاکستان د يوکرائن د صدر دغه تورونه مسترد کوي، دې الزاماتو کښې هيڅ حقيقت نشته ۔ بيان ترمخه د يوکرائن چارواکو روس سره روان جهګړه کښې د پاکستانيانو د برخه اخستو په حواله څه ثبوتونه نه دي وړاندې کړے او نه تر دې دمه د يوکرائن چارواکو پاکستان سره څه قسمه رابطه کړيده ۔خپل بيان کښې د خارجه دفتر ترجمان زياته کړيده چې پاکستان د روس او د يوکرائن د شخړې پرامن او سفارتي حل راويستو باندې باور لري او د متحده قامونو د چارټر مطابق د خبرو د لارې د دې مسئلې حل لپاره د کوششونو ملاټر به کوؤ ۔ د يوکرائن صدر زيلنسکي په ايکس پاڼه ورکړي شوي بيان کښې وئيلي دي چې د يوکرائن خلاف جهګړې لپاره روس د پاکستان،چين،تاجکستان،ازبکستان او د افريقې ملکونو نه جنګيالي راوستي دي او پوځ کښې ئې بهرتي کړيدي ۔ زيلنسکي بيان ترمخه روس سره روان تاؤ تريخوالي او جهګړه کښې د کرائے د جنګيالو به مونږ د دې ملکونو نه جواب غواړو ۔