د امریکا او مودي حکومت ترمینځ د تاوتریخوالي او خفګان بنیادي لامل د مودي حکومت هغه پالیسۍ دي چې د امریکا سرکار د خفګان او مایوسۍ سبب جوړې شوي دي.
د رسنیو راپورونو ترمخه روس نه د تیلو اخستلو په وجه د ټرمپ حکومت د مودي حکومت څخه سخته خفا او مایوسه ده.
د امریکا د خزانې وزیر په یو مرکه کې ویلي، هند له روس نه تېل اخلي او بیا یې د تصفیې شویو تېلو یعني د ریفاینډ آئل په بڼه پلوري، خو هند ځان داسې یو هېواد نه دی ثابت کړی چې نړیوال کردار ولري..
بیسینټ د یوه پوښتنې په ځواب کې ویلي چې “د ولسمشر ډونلډ ټرمپ او زمونږ ټول ټیم له هند نه ناامیده دې، مونږ ته نه ده معلومه چې له هند سره به د سوداګرۍ تړون څه شکل ولري، دا هر څه به د هند په رویې پورې اړه ولري.
دلته د یوې مهمې خبرې ته باید اشاره وشي چې د پوهانو ترمخه یو اړخ ته هند له امریکا لوري سختو نیوکو سره مخ دې، ټرمپ په هند ټیکسونه لګوي او شرکتونه ی بندوي او بل لوري پاکستان هند ته په سفارتي او د جنګ په میدان کښې ماتې ورکړې ده.
دا هم باید یاده شي چې له دې وړاندې د امریکا ولسمشر ټرمپ له خوا د روسي تېلو اخیستونکو ته د سختو ګواښونو وروسته، د هند دولتي تیل تصفیه کوونکو شرکتونو د روسي تېلو اخېستل بند کړي وو..
د خبري آژانسونو له مخې، هند د نړۍ درېیم لوی د تېلو واردوونکی هېواد دی، او همدا راز د روس له خوا د سمندر له لارې صادرېدونکي خام تېلو تر ټولو ستر پېرودونکی هم دی.
ولسمشر ډونلډ ټرمپ د جولای پر ۱۴مه د هغو هېوادونو لپاره چې له روس نه تېل اخلي، د ۱۰۰٪ ګمرکي محصولاتو لګولو ګواښ کړی وو.
دلته ددې خبرې هم باید یادونه وشي چې څو ورځې وړاندې هم ټرمپ د هند په هغه ۶ شپږو شرکتونو بندیز ولګولو چې له روس څخه تیل اخلي.