داخله وزيرمحسن نقوي د پاکستان،ايران او عراق داخله وزيرانو سه فريقي کانفرنس کښې شرکت لپاره د تهران په دوره دے، دې کانفرنس کښې به د درې واړو ملکونو پولو معاملو،د زائرينو تګ راتګ،سمګلنګ مخ نيوې او په نورو مهمو معاملو غور کيږي، دا کانفرنس د پاکستان په خصوصي بلنه کيږي چې مقصد ئې د پاکستان نه هر کال د اربعين امام حسين(ع) په موقع د زائرينو د ايران د لارې عراق ته تلو دوران زائرينو ته سيکيورټي ورکولو او نور سهولتونه برابرولو په معاملو خبرې کول دي ۔
ايران ته رسيدو سمدستي وروستو داخله وزير محسن نقوي د ايران د هم منصب اسکندر مومني سره ليده کاته کړيدي، ملاقات په مهال د پاکستان او ايران ترمينځ اړيکو پراختيا،تجارت او مختلف شعبو کښې تعاون او د دواړو ملکونو پولو سيکيورټۍ په معاملو خبرې شويدي، د ايران داخله وزير اسکندر مومني د اسرائيلي جارحيت دوران د ايران ملاټر جاري ساتلو باندې د پاکستان د حکومت شکريه ادا کړيده،اسکندر مومني امکان څرګند کړېدے چې د پاکستان داخله وزير محسن نقوي د ايران دې دورې سره به دواړو ملکونو ترمينځ تعلقات نور هم پراخه شي،دواړو داخله وزيرانو د ملاقاتونو او د رابطو سلسله جاري ساتلو باندې هم اتفاق کړېدے