وفاقي حکومت د فرنټيئر کانسټېبلري فورس په وفاقي ځواک کښې د بدلولو پرېکړه کړې ده
سرچینې وایي چې وفاقي حکومت دا پرېکړه کړې چې د فرنټيئر کانسټېبلري (ایف سي) ځواک صلاحیتونه د ټول هېواد په کچه وغځوي او په دې اړه به د وفاقي کابینې له خوا د فرنټيئر کانسټېبلري ایکټ 1915 کښې د ترمیم کولو منظوري ورکړل شي
د دې ترميم نه وروسته به د هېواد په کچه د ایف سي د واک پراخولو لپاره یو آرډیننس هم جاري شي
په دې اړه سرچینې زیاتوي چې د دې نوي جوړ شوي ځواک نوم به فیډرل کانسټېبلري وي او نوې فیډرل کانسټېبلري ته به د څلورو واړو صوبو، اسلام آباد، آزاد جممو کشمیر او ګلګت بلتستان په ګډون په ټول هېواد کښې د فعالیت اجازه ورکړل شي
آرډیننس د عملي کېدو وروسته به د دې نوې ځواک لپاره په ټول هیواد کښې نوي اهلکار هم وګمارل شي او د ملک په بېلابېلو برخو کښې به ی دفترونه هم جوړ شي
سرچینې ددې نوي ځواک د مشرۍ کولو په اړه وایی چې په نوي فریم ورک کښې به د فیډرل کانسټېبلري مشري به د پاکستان په پولیس سروس کښې لوړپوړو پولیس افسرانو ته وسپارل شي
ددې نوي ځواک په اړه د دفاعي چارو پوهان وایی وايي چې د فیډرل کانسټېبلري په جوړېدو سره به په هېواد کې د داخلي امنیت او امن و امان په ټینګښت کې مهم رول ولوبول شي او دا ګام په ملکي سطح باندې د امنیتي پالیسۍ قوي کولو او د مؤثر کنټرول لپاره د پراخه هڅو کولو برخه بلل کېږي