په داسې حال کې چې د فلسطین په غزه کې د اسرایل لوري د اوربند خبرې روانې دې، اسرایلي چارواکي واشنګټن ته د اوربند خبرو لپاره روان دي خو بل اړخ ته په غزه کې د اسرایلي ځواکونو له لوري د غزه اولس یو شمیر بمي چاودنو او د اسرایلي ځواکونو بمبارۍ سره هم مخ شوي دي
د امریکا ولسمشر ډونلډ ټرمپ له ۲۰ میاشتو راهیسې د جګړې د پای ته رسولو هڅې کوي خو له دې سره سره د غزه په ښار کې د چادونو او ډزو غږونه اورېدل شوي دې چې له امله یې لسګونه کسان وژل شوي دي
په رسنیو کې د خپاره شوي د راپورونورو ترمخه اسرائیلي ټانکونه د غزه ښار ته څېرمه د زیتون سیمې ختیځ لور ته داخل شول، چې له امله یې د هوايي بریدونو په ترڅ کې څلور ښوونځي او نور اهداف وویشتل شول. ځایي خلکو ویلي، سلګونه کسان د بمبارۍ له ویري د خوندي ځایونو په لټولو کې خپل کورونو اووتل . هغوی وویل چې ښوونځي او کورونه یې هدف ګرځول شوي دي
د فلسطیني چارواکو په وینا، یوازې د دوشنبې په ورځ لږ تر لږه ۲۵ کسان شهیدا شوي دي چې ۱۰ یې د زیتون په سیمه کې وو. تر ماښامه، د ناصر روغتون چې د غزې ښار جنوب لوېدیځ کې دی، د ۱۳ نورو وژل شویو راپور ورکړ، چې د ورځې ټول وژل شوي ۳۸ تنه شول. راپورونه وایي، ډېر خلک د ډزو له امله وژل شوي، خو ځایي خلکو د هوايي بریدونو یادونه هم کړې ده. اسرائیلي پوځ دعوی کوي چې دوی هڅه کړې ده چې ملکي وګړو ته لږ زیان ورسوي، او اصلي هدف یې د حماس ډلې مرکزونه وو
د اوربند لپاره هڅې او واشنګټن کې خبرې
کله نه چې په غزه کې کړکیچ زیات شو نو د اسرائیل د ستراتیژیکو چارو وزیر رون ډرمر له یو پلاوي سره واشنګټن ته لاړ، څو له امریکايي چارواکو سره د ایران او غز په مسئله لوړپوړې خبرې وکړي
اسرائیل د امریکا په منځګړیتوب د ۶۰ ورځو اوربند منلی دی، چې د بندیانو د تبادلې برخه ده. خو حماس بیا پر دوامداره اوربند او له غزه د اسرائیلي ځواکونو پر بشپړ وتلو ټینګار کوي. تر اوسه له ۵۶ زره زیات فلسطینیان شهیدا شوي دي او نزدې ۲.۳ میلیونه بېځایه شوي دي او په غزه کې وضعیت له هم زیات کړکیچ شوې دې
د قطر او مصر منځګړیتوب
د ایران پر ضد وروستیو عملیاتو د نیتن یاهو شهرت زیات کړی، خو له بلې خوا، د غزه د اوربند د نه هوکړې له امله نړیوال ورباندې نیوکې زیاتې شوي دي
سرچینې وایي، که څه هم د نیتن یاهو ملاتړ زیات شوی، خو ۵۲ سلنه اسرائیلیان لا هم غواړي چې هغه استعفا ورکړي او د خلکو اکثریت د غزه د اوربند ملاتړ کړې دې
په داسې وخت کې چې په غزه کې د اسرایلي ځواکونو او الوتکو بمبارۍ له ۵۰ زرو زیات فلسطینیان شهیدان کړي په تل ابیب کې ځایی اولس چې به زرګونو شمیر کې وو د تل ابیب کوڅو ته راوتلي او غوښتنه کوي چې زر تر زره دې ډزبندي وشي