د افغانستان اسلامي امارت دریځ په دې اړه ډیر روښانه دې، د افغانستان اسلامي امارت ژمن دې چې د افغانستان خاوره به هیڅ کله هم د کوم هیواد په ضد و نه کارول شي، په ځانګړي ډول د ګاونډي پاکستان په ضد به د افغانستان خاوره کله هم و نه کارول شي
دا څرګندونې د افغانستان اسلامي امارت مرستیال ویاند حمد الله فطرف ایچ ټي این پښتو سره په ځانګړې مرکه کې کړي دي
حمدالله فطرت اوویل چې په دې وروستیو کې د پاکستان او افغانستان ترمنځ سیاسي اړیکو ډیر مثبت پرمختګ کړې دې
نوموړي اوویل چې د دواړو هېوادونو په اړیکو کې ښه پرمختګ شوی دی،هغه ټینګار وکړو او زیاته ی کړه چې د پاکستان او افغانستان خپلې سفارتي اړیکې د سفیر کچې ته لوړې کړي دې چې د د دواړو ګاونډي هیوادونو ترمینځ یو ډیر لوی مثبت ګام او پرمختګ دې
نوموړي اوویل چې پاکستان او افغانستان دواړه دې پایلې ته رسېدلي چې د دواړو هېوادونو ترمنځ سوداګریزې او اقتصادي اړیکې باید نورې هم ښې شي او وده وکړي
نوموړي اوویل چې د پاکستان او افغانستان سیمه ییز ګټې یو بل سره شریکې دي، دواړه هېوادونه په پرمختیايي پروژو کې ګډې ګټې لري او په دې برخه کې کار هم کوي. زیاته ی کړه چې په سترو پرمختیایی پروژو کې لکه د ټاپي په څېر پروژې شاملې دي او په دې پروژو کې د دواړو هیوادونو شریکې ګټې دي ،زیاته کړي چې افغانستان په دې پروژو په عملي توګه کار هم پیل کړې دې
نوموړي اوویل چې افغانستان د پاکستان له لارې د نړۍ له نورو هېوادونو سره تجارت کوي او په دې حالت کې د دواړو هېوادونو هڅې روانې دي چې دوه اړخیزې سوداګریزې اړیکې نورې هم پیاوړې کړي
نوموړي په پاکستان کې د افغان مهاجرینو د ستونزو ته په اشاره اوویل چې په پاکستان کې د افغان کډوالو د را ستنېدو ستونزه هم شته او پاکستان له افغانستان سره ژمنه کړې چې د افغان کډوالو ستونزه به هواره کړو، زیاته ی کړه چې همدارنګه دا ژمنه هم شوې چې د سوداګرۍ او اقتصاد په برخه کې به هم له یو بل سره ګډه همکاري کوو
له هندوکش ټریبیون نیټورک پښتو لوري د یوې پوښتنې په ځواب کې حمدالله فطرت اوویل
چې د افغانستان اسلامي امارت د پاکستان په اړه دریځ ډیر زیات روښانه دې
نوموړي اوویل چې اسلامي امارت په دې ټینګ ولاړ دې چې د افغانستان خاوره به د بل هېڅ هېواد پر ضد نه کارول کېږي، زیاته ی کړه چې په ځانګړي ډول د ګاونډي هېواد پاکستان په اړه د افغانستان اسلامي امارت هېڅ ډول کوم بد نیت او اراده نشته او اسلامي امارت به هېچا ته اجازه ورنه کړي چې د پاکستان پر ضد ی خاوره و کارول شي