ايران او اسرائيل په جنګ بندۍ متفق شويدي،صدر ټرمپ، اسرائيل دې حملې بند کړي مونږ هم کارروائي نه کوؤ،ايران خارجه وزير

د ايران او اسرائيل ترمينځ روانه جهګړه کښې مهم پرمختګ رامخې ته شوېدے،امريکني صدر ډونلډټرمپ وئيلي دي چې دواړه ملکونه په جنګ بندۍ باندې رضا شويدي، ټروت سوشل پليټ فارم باندې خپل بيان کښې ټرمپ وئيلي دي چې ټولو ته دې مبارک شي، ايران او اسرائيل په مرحله وار ډز بندۍ متفق شويدي،د ټرمپ بيان ترمخه اول به ايران جنګ بنده وي د دې په جواب کښې به دولس ګهنټې پس اسرائيل هم جنګ بندي کوي او بيا به دا ډز بندي مکمل نافذ شي، ټرمپ وائي چې ډز بندۍ لپاره دواړو ملکونو د استقامت او جرات مظاهره کړيده که چرې دا جنګ اوږ

د شو نو ټوله مشرقي وسطې به تباه کړي ۔ د صدر ټرمپ د بيان نه لږه شيبه وروستو د ايران خارجه وزير عباس عراقچي خپل بيان کښې وئيلي دي چې دا جنګ خو ايران نه وو شورو کړې بلکه اسرائيل په مونږ حملې کړيدي، که چرې اسرائيل خپلې کارروائۍ بند کړي نو ايران هم د جوابي حملو هيڅ اراده نه لري۔

عباس عراقچي د ايران سيکيورټي فورسز ته خراج تحسين وړاندې کړې او وئيلي ئي دي چې زمونږ باتور پوځيان د هيواد دفاع لپاره د سرونو قرباني ورکولو لپاره هر وخت تيار وي ټول قام د دوي په قربانو فخر کوي ۔ دواړو ملکونو د جنګ بندۍ نه مخکښې هم په يو بل د حملو سلسله جاري ساتلي وه ۔

د اسرائيل رسنيو ترمخه تل ابيب،مقبوضه بيت المقدس او نورو ښارونو باندې د ايران تازه حملو کښې درې نور کسان وژلي شويدي، اسرائيل هم په تهران او د ايران په نورو ښارونو فضائي حملي کړيدي، د دواړو ملکونو ترمينځ روانه جهګړه کښې د 600 نه زيات ايراني وګړي مړه شوي دغه رنګ په اسرائيل د ايران حملو لوجې د مړو شميره ديرش نه سيوا ښودلې کيږي ۔

ايران د امريکې حملو په ردعمل کښې په عراق او قطر کښې د امريکې مهمې اډو باندې هم ميزائيلو حملې کړېدي ولې امريکني چارواکي وائي چې دغه ميزائيلې هدف ته د رسيدو نه مخکښې تباه کړي شويدي ۔