اسرائیل په ايران باندې رسمي برید کړې، په هوايي بريدونو کې يې د ايران اتومي او پوځي هدفونه په نښه کړي، چې پکې د سپاه پاسداران انقلاب مشر ميجر جنرال حسين سلامي او يو اتومي ساينس پوه شهيدان شوي دي .
د يو امريکايي ورځپاڼې په یو راپورکې د کړې دعوې له مخې، اسرائيل د ايران د پوځي مشرانو د استوګنې ځايونه او ۶ پوځي تأسيسات په نښه کړي دي.
د خبري اژانس د راپور له مخې، اسرائيل د جمعې په سهار د ايران په لسګونو ځايونو باندې هوايي بريدونه کړي دي. د پلازمېنې تهران په شمال ختيځ سيمو کې د درندو چاودنو غږونه اورېدلي شوي او په ځينو سيمو کې د چاودونو وروسته په هوا کې لوګي هم ليدل شوي دي. .
د ايران دولتي رسنيو د تهران په شمالي، لوېديځو او مرکزي سيمو د بريدونو پخلی کړی دی.
د اسرائيلو د دفاع وزير اعلان کړی چې اسرائيل پر ايران مخکې له مخکې بريد کړی دی، او په هېواد کې يې بيړنی حالت نافذ کړی دی.
د يو اسرائيلي پوځي چارواکي په وينا، اسرائيل د ايران اتومي او پوځي هدفونه په نښه کړي دي، او د ايران په لسګونو ځايونه يې بريدونه کړي دي. د اسرائيلي هوايي ځواک یو شمیر جنګي الوتکو په ایرن باندې شوو بريدونو کې برخه اخيستې ده .
د ايراني رسنيو پخلی کړی چې د اسرائيل له لوري په بريد کې ی د پاسداران انقلاب مشر ميجر جنرال حسين سلامي، او اتومي ساينس پوهان فريد عباسي او محمد مهدي شهيدان شوي دي.
د ايران دولتي ټلوېزيون ويلي دي چې په تهران کې د سپاه پاسداران انقلاب مرکزي دفتر د اسرائيل له خوا په نښه شوی دی