په خیبر پښتونخوا کې د ناامنۍ خپرونکې ممنوعه ډلې تحریک طالبان پاکستان د خپل شبکې د پراختیا دعوه کړې، خو بل لوري ته امنیتي ځواکونو د بنو او وزیرستان په سرحدي سیمه کې په یوه مهم عملیاتو کې یو مطلوب ترهګر وژلی دی
د ممنوعه ټي ټي پي ویاند محمد خراساني په یوه خپاره شوي بیان کې ادعا کړې چې د لوئر دیر سره تړاو لرونکي دوه مهمې ډلې د دې تنظیم سره رسمي یوځای شوې دي. د دې ډلو مشري قومندان طلحہ او قومندان شریف الله کوله، چې تر دې وړاندې به یې په خپلواکه توګه او کله ناکله د جماعت الاحرار سره یوځای تخریبي فعالیتونه ترسره کول. د ویاند په وینا، دې قومندانانو د ټي ټي پي د مشر مفتي نور ولي مسعود پر لاس “هجرت او جهاد” بیعت کړی دی
بنو او وزیرستان
بل لوري ته امنیتي ادارو د ترهګرۍ پر ضد روانو عملیاتو کې لویه بریا ترلاسه کړې ده. د بنو او وزیرستان په سرحدي سیمه کې د عملیاتو پر مهال خطرناک ترهګر مدثر لارون وژل شوی دی. د پولیسو سرچینې وایي چې وژل شوی ترهګر د پولیسو پر تاڼو د بریدونو او جدي قضیو کې قانون پلي کوونکو ادارو ته مطلوب و
د امنیتي کارپوهانو په وینا، د ټي ټي پي له خوا د نویو ډلو د یوځای کېدو دعوې په حقیقت کې د خپل کمزوري حالت د پټولو هڅه ده، خو د امنیتي ځواکونو پرلهپسې عملیات د دې ډلې شبکه ورځ تر بلې کمزورې کوي