د سعودي عرب د بهرنیو چارو وزیر شهزاده فیصل بن فرحان او د ایران د بهرنیو چارو وزیر عباس عراقچي ترمنځ ټیلیفوني اړیکه شوې ده، چې پکې د منځني ختیځ پر عمومي وضعیت او وروستیو روانو کړکېچونو تفصیلي خبرې شوې دي.
د سعودي د بهرنیو چارو وزارت په وینا، دواړو وزیرانو د خبرو پر مهال په سیمه کې د امنیت او ثبات د یقیني کولو لپاره د کړکېچ د کمولو پر اړتیا ټینګار کړی. دواړو خواوو هوکړه کړې چې د سیمې د یوې لویې شخړې د مخنیوي لپاره ډیپلوماټیکې لارې چارې اړینې دي
امریکا او ایران ترمنځ د اوربند
د خبرو پر مهال د منځني ختیځ د سولې او ثبات لپاره پر روانو نړیوالو هڅو هم بحث شوی او دواړو لورو ټینګار کړی چې ټولې لانجمنې مسئلې باید د خبرو اترو له لارې حل شي.
سیاسي شنونکي دا اړیکه ډېره مهمه بولي، ځکه په داسې وخت کې شوې چې د امریکا او ایران ترمنځ د اوربند هڅې روانې دي. د شنونکو په باور، د ریاض او تهران دا تماس کولی شي په سیمه کې د تلپاتې سولې لپاره مهم بنسټ کېږدي او د خرابکارو عناصرو هڅې ناکامې کړي دواړو وزیرانو په راتلونکي کې هم د سیمهییز امنیت په اړه د نږدې مشورو او اړیکو د دوام هوکړه کړې ده