د پاکستان، مصر، اردن، متحده عربي اماراتو، اندونیزیا، ترکیې، سعودي عربستان او قطر د بهرنیو چارو وزیرانو ګډه اعلامیه خپره کړې چې پکې یې د اسراییلي اشغالګرو لخوا د الاقصی جومات / الحرم الشریف د دروازو د تړلو غندنه شوې ده ، د اعلامیې په متن کې ویل شوي چې د اسراییلي چارواکو لخوا د الاقصی جومات دروازې د مسلمان عبادت کوونکو پر وړاندې تړل شوې، حتی د روژې مبارکې میاشتې په جریان کې هم، او د بیت المقدس زاړه ښار او د عبادت ځایونو ته د لاسرسي په وړاندې یې امنیتي محدودیتونه لګولي دي
نړیوال قانون
د اعلامیې په وینا، دا محدودیتونه تبعیض آمیز، نامنظم، او د نړیوال قانون او تاریخي وضعیت خلاف دي. ګډه اعلامیه له اسراییل غوښتنه کوي چې جومات بیا پرانیزي، د لاسرسي محدودیتونه رفع کړي او د مسلمان عبادت کوونکو مخنیوی بند کړي ، پاکستان په اعلامیه کې ټینګار کړی چې د روژې میاشت کې د الاقصی جومات تړل د مذهبي آزادۍ او د اسلام د یو له سپیڅلو ځایونو سپکاوی دی ، پاکستان د فلسطیني خلکو او د اسلامي نړۍ د پراخې ټولنې سره په کلکه ولاړ دی ترڅو د الحرم الشریف د سپیڅلتیا او تاریخي وضعیت دفاع وکړي
اعلامیه وايي چې د عبادت کوونکو لاسرسي محدودول د اشغال شوي بیت المقدس د تاریخي او قانوني وضعیت بدلولو یوه سیسټماتي هڅه ده، او نړیواله ټولنه باید یوازې د بیانیو په حد کې پاتې نه شي، بلکې اسراییل د نړیوال قانون او بشري اصولو د سرغړونو لپاره مسؤل ونیسي
اعلامیه
په پای کې، اعلامیه د ټولو مسلمانانو او نړیوالې ټولنې لپاره څرګندوي چې د الاقصی جومات لاسرسي ساتنه یوازې د مسلمانانو مسئله نه ده، بلکې د مذهبي آزادۍ او سپیڅلي میراث د ساتنې یوه نړیواله موضوع ده. پاکستان بیا تکراروي چې د اشغال شوي بیت المقدس سپيڅلي ځایونه باید د نړیوال قانون لاندې خوندي پاتې شي او عبادت کوونکي باید پرته له کوم خنډ څخه ورته لاسرسی ولري
نور ولولئ