په بدخشان کې د طالبانو د بریګېډ په مرکز برید وشو، چې دوه طالبان پکې ووژل شول او یو سخت ټپي شو. ترهګرو د جمعې په ماښام د بدخشان د بهاړک ولسوالۍ په قلاتک سیمه کې د طالبانو د ۲۱۹مې ډویژن د سرحدي بریګېډ په مرکزي دروازه لاسي بمونه وغورځول، چې په نتیجه کې دوه طالبان ووژل شول او یو ټپي شو.
د طالبانو ځواکونو هڅه وکړه چې د موټرسايکل سپرو بریدګرو پر وړاندې اقدام وکړي، خو پراخو ډزو سره سره هم بریدګرو ته کوم زیان ونه رسید او هغوی په خوندي توګه وتښتېدل. په دې ډزو کې لږ تر لږه ۳ ملکي کسان ټپیان شول، چې د طالبانو پر وړاندې خپګان او غصه راپورته کړه.
وروسته د طالبانو ضد تنظیم اے ایف ایف د برید مسؤلیت ومنه. دغه ډله دوه ورځې مخکې، د چهارشنبې په ورځ، په تخار ولایت کې د طالبانو د ځواکونو پر کمپ هم برید کړی و